Luka 16:16 - Biblía Axweesantá Hhohho' ar Mungú 2004

¹⁶ «Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Ya/abtór hho' 1977

¹⁶ “Hara'ayár Musa nee gooír aaruuse ina kumamít ay qoomár Yohánudá' Baatimaamiís. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Luka 16:16 Iomraidhean Croise

Matayo 10:7

Baraá aaiihunge dahaareemisé', tawa kata', ‹Waawuti'iimár doori naa naká/.›

Matayo 15:11

Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Matayo 21:32

Asma Yohane nina dirhúng i hardáh ar loohír gan'amu, kuungá' kuri haratlinti'i'iiká. Ohomuusér koódi nee tsaatuuseero kuri haratlintií'. Kuungá' adoodá' kawa aandé' tam sleeme aga hhu'u'uundi'iiká as kuwa haratlintia'.»

Matayo 3:2

«Hhu'u'umé', asma waawuti'iimár Mungú naa naká/.»

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 1:14

Tam alaá Yohane kuwa tseék, Yesu iri Galilayár káy, Ya/abtór hho' ar Mungú gari alki/iít,

Marko 1:45

Ala heedá' iri ti'iít, kangwdá' guri alki/iít ar axweesanoó yaariír, nee guri tsiyaayaaxán, tam Yesu pa/aangw gwa slayká oo iwa dahi baraá gixsa ar geehhooeema. Ala iri tsee/aá wa iwiwiít dír muu iwa kahhi, nee umuúqo diiro kuri i daqaaqáy.

Luka 10:11

‹Tam teerír baraá gixsarhúng ar ya'aarén gaa leer, ngi kuukuuaán amorhúng i alé. Ala tí xuaak, waawuti'iimár Mungú naa tseewuúr.›

Luka 10:9

tiqtuusér dáw ka hungu/uumisá', muu ku beera', ‹Waawuti'iimár Mungú naa tseewuúr.›

Luka 16:29

«Abrahamu iri oó', ‹Mose nee aaruuse i dayá'. Tidá' inooín ta kaahi ka iiárií qaasi.›

Luka 16:31

Abrahamu iri oó', ‹Mose nee aaruuse birka iiárií qaasiiká, tam heé naa baraá múk aa qaátl wa waaslee/ gurbu'uto gi aleeslayká.› »

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 11:48

Nee atén bura tawó mawaán, muu sleémeero gu haratlintii'. Nee múk Roma niri hardah, doorén kwí oo Doó Mungú kuri fee/, nee xooroorén kari waawuti'iima hayoh.»

Yohana 12:19

Múk Farisayo tari kilooín axweés, tawa kaahi, «Aga aandí'iíke, gár kuungá' ta aleesleera' i káhh. Qaytsiité', muu sleémeero gwa eehár.»

Yohana 5:4

Asma siiwarkaaro malaykamoó Aako nin awdaadiit, iri baraá tlahhsadá' i dah, ma'aydá' giri xwaraanxwaar. Nee heé aa giirin baraá ma'aydá' i /etaango, tiqtirós tidá' i kon in hungú/.]

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.