Luka 16:13 - Biblía Axweesantá Hhohho' ar Mungú 2004

¹³ «Heé daqaarér tsár i lawaali'iitaro ga asláw i kaahh. Asma kooko gu aahh, kuqá' gway slaa', laqaá nee kooko ti oohiyá', kuqá' gway waaqaqaa'. Mungú nee daqaari'iima i lawaali'iitaro i aleesleera'aaká.»

Ya/abtór hho' 1977

¹³ “Heé daqaarér tsár i lawaali'iimaro ga asláw i kaahh. Asma kookoo gu aahh, kuqá' gway slaa', laqaá nee kookoo ti oohiyá', kuqá' gway waaqaqaa'. Mungú nee daqaari'iima i lawaali'iimaro i aleesleera'aaká.”

Luka 16:13 Iomraidhean Croise

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 11:23

«Heé barte'eéní diriiaaká, kwí a kudá' án iga sii', nee kudá' burumburiimaaká dinkwa nee aníng, inós in tsaafimiis.»

Luka 14:26

«Hee barnaxes naa hardáh amor'eé', bar baabuúwós gwaa aahhiiká, nee aayoorós nee hareerós nee na/iiwós, nee hhaaeewós, nee slám inós kilós birta aahhiiká, i eeharusmooeé' tleehhitiiká.

Luka 16:12

Bar inkihhimuú koonda'aaká baraá daqaari'iimár heé hatlae, toohúng heé ngi haniís a heemá?

Luka 16:9

«Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaót baraá hotaá kureerisleeme.

Luka 9:50

Yesu iri oó', «Mu iigahhamiitara'. Asma heé kuungá' nu tlaampa'aamisaaká, i gayuuhúng.»

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»