Luka 15:32 - Biblía Axweesantá Hhohho' ar Mungú 2004

³² Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Ya/abtór hho' 1977

³² Ala tawa qwalala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.’”

Luka 15:32 Iomraidhean Croise

WARA'AMI 51:8

Qwala/ nee bar/uuwo hatsiisáng. Tam iga fadu giqeeri ar muxta, aníng kuúng u sa baraá/.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

Matayo 18:11

Asma Garmoó Hee nina hardáh as tidá' aa qwat ngiwa ba/amisi.]

Luka 15:24

Asma garmaaeé' kwí geeraawo aa gwaá', nee hám naa waasleé/, geeraawo aa qwaár, daxta ugwa slawaán.› Bara/ kuri iimu/ún.

Luka 15:31

Aluuwo baabá iri oó', ‹Garmaaeé', án nee kuúng a dinkwa umuú deelooro, nee gár án niqo kooma a tók.

Luka 7:34

Garmoó Hee niwa hardáh, i /ayín nee i wahán, kuungá' a kata', ‹Ga/aawaagáy, hheehhusmoowí nee xuufutusmo, mulqumoó ohomuusér koódi nee tlakuuse.›

Rumi 11:15

Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

Rumi 3:4

Aasla'áy, a adoosingeeká. Mungú inós a inkihhimusmo, umuúqo heewo tam lamusmoowo. Asma kaa gooín, «Kuúng bar axwés, axweesanaywók masók ku tsaahh, adór tar axweesanoó ganaá', nee kuúng tawa baaliin baraá kwasleemaro.»