Luka 15:29 - Biblía Axweesantá Hhohho' ar Mungú 2004

²⁹ Ala baabuúwós guri báy, ‹Ga/aaweek, án kuúng una sagadiyumamiís kureeriiká' sleémeero, nee qoomár hara'ayaarók ngiwa waaqaá' i káhh. Ala tam deelmoó leei oo naa aní hanís i kaahh, niwa qwalaala/aan nee mulqer'eé'.

Ya/abtór hho' 1977

²⁹ Iri baabí ilawaáts iri oó', ‘Ga/aaweek, án kuúng una sagadiyumamiís kureeriiká' sleémeero, nee qoomár hara'ayarók ngiwa waaqaá' i káhh. Ala tam deelmoó leei oo naa aní hanís i kaahh, niwa qwalala/aan nee mulqer'eé'.

Luka 15:29 Iomraidhean Croise

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

SEKARIA 7:3

Nee kaahamuusér doó AAKOÓ MUNGÚ Aleesleemusmo dinkwa nee aaruuseero kiwa yaahasi, kiwa bay, «A kumiitána tawa tsuunqumisaan nee tawa gwaawiwimaan slahhángw kooane adoodá' ta /imamisaan kureeraá yaariir awa naa waarahhi'i.»

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Matayo 20:12

Tari oó', ‹Mukwí naa aluú wa hardah, gadiyeé kana tleéhh ar qoomár looár wák kilós, ahaá kuúng bu'utuuín musa alqoomés nee koorén, ateédá' tsee/amá ugwa saqiqtlaatlimaan tlaatla/aangw sleémeero?›

Luka 15:28

«Garmaadá' iri buúhh, dahamaá baraá do' giri sií'. Aluuwo baabá nay baraá dó wa ti'iít, gway harhheehhe'emisuú áy.

Luka 15:30

Ala garmaawók kwí niwa hardáh, oo muruuwók gwa faak dinkwa nee /ameenár tsaatuuse, ugwa awuudá' wahhaár i gás.›

Luka 15:7

Án a kah, gawaá dooriiwo sleeme ta adoorír qwalalaa/ as heé wák oo tlakusmo oo aa hhu'u'un, ta múk mibeeraá gwaleél nee gwaleele oo gan'amuú koóm, oo hhu'u'uungw gu sla'aaká.»

Luka 17:10

Gawaá adoorihe kuungá' sleeme tidá' sleémeero tunda báy, tleehhamooro bara hhe'esé', ta oa', ‹Atén a lawaaleedá' gídaabár koomaaká. Aqo tidá' atén wa hariim ana tleehhaán.› »

Luka 18:9

Yesu slaqsaywí guri malé dir'íní oó' as mukko taa kilooín harafaar tawa múk hota ganaá', múk hatlá' sleémeero kuri waaqaqaá', giri báy,

Luka 19:21

Asma án kuúng una da'ayuút, as kuúng tawa /akusmo. Asma kuúng an leehhihhiín didaádá' gaa kay qaská, slám a bu'uún didaádá' gár taa dahás iwa kahh.›

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 3:27

Gár tas daara/aamaan a milá ala? Gár tas daara/aamaan i káhh. Asma milá? Gár adoorí ga laqaaqaam a hara'aya gaalá? A hara'ayár tlehhmi'iíwo? Aasla'áy, gár adoorí ga laqaaqaam a hara'ayár haratlintaao.

Rumi 7:9

Aníng aáng a slaáf, niwa hara'ayár koomaaká. Nee hara'aya niwa hardát tlakweema niri slafiyé',

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.