Luka 15:28 - Biblía Axweesantá Hhohho' ar Mungú 2004

²⁸ «Garmaadá' iri buúhh, dahamaá baraá do' giri sií'. Aluuwo baabá nay baraá dó wa ti'iít, gway harhheehhe'emisuú áy.

Ya/abtór hho' 1977

²⁸ “Garmaadá' iri buúhh, dahamaá baraá do' giri sií'. Aluuwo baabá nay baraá doó wa ti'iít, gway harhheehhe'emisuú áy.

Luka 15:28 Iomraidhean Croise

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

YEREMIA 35:16

Na/aá Yonadabu garmoó Rekabu, hara'ayadár baabuúín ngaa oohiyé', ala mukwí aníng iga iialooeesi'iiká.

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

Matayo 20:11

Qoomár ooharo kuwa hhe'eés, tari qununuú/ dír heedaáduú qaymo loó' i alé.

Marko 1:40

Heé tiqtír tsatmit ina hardáh dirós, guri i tumbarara'aát, guri firiirín iri oó', «Kuúng bar slá', án i aleesleér iwa hheehhe'es.»

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Luka 15:2

Múk Farisayo nee intsaahhatuusér hara'ayár Mose tay qununuú/ ta kaahi, «Heewí mis tlakuusér dahi'iimis, slám nee inooín i al/ayiná'.»

Luka 15:27

Guri báy, ‹Hhiyaawók naa hardáh, nee baabuúwók gwa awuudá' wahhaár i gaás, asma nguwa malé sláy iwa slafi.›

Luka 15:29

Ala baabuúwós guri báy, ‹Ga/aaweek, án kuúng una sagadiyumamiís kureeriiká' sleémeero, nee qoomár hara'ayaarók ngiwa waaqaá' i káhh. Ala tam deelmoó leei oo naa aní hanís i kaahh, niwa qwalaala/aan nee mulqer'eé'.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 5:30

Naxés múk Farisayo nee intsaahhatuuser'ín ar hara'ayár Mosewo eeharuusér Yesu kari i qununuú/, ta kaahi, «Mas al/ayiindá' nee mas alwahaanda' nee ohomuusér koódi nee tlakuuseero?»

Luka 7:39

Heedaáduú Farisayo oo Yesu gwaa dír do'ós i dah'ís, adoodá' ngiwa ár, ina baraá muunaáwós i oó', «Heewí geera bar aarusmo, /ameenirí gu kwatimiit gaa tsaáhh adór tar heemá nee a /ameenír adoomá, asma a tlakuso'o.»

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 14:19

Mukko Yahudi niri hardáh, i Antiokiár daahh nee Ikonio. Mukwí boo/aay guri harakeemiís. Aluuwo inooín Paulo kuri tlaquút ar tlaa/e, kuri duuruxún ar yaamu ay tsee/aá gixsa. Inooín geeraawo ka xui aa qaroó gwaá'.

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Rumi 10:19

Ala aníng a malé yaahaás, «Múk Israeli Ya/abtoodá' gana tsaahhiikáhe?» Tam qoomár aáng ar Mosewo Mungú ina qaroó oó', «Kuungá' gur'e nu ót as múk xoorór hatlá', mukdá' kuungá' ta harafadita'aaká tawa múk kilá'. Heé adoorí ga tleéhh a aníng. Slám kuungá' tari buhhá' dír múk xu'utír koomaaká as aníng.»

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

1 SAMUELI 17:28

Ala Eliabu, hhiyaadá' úr oo Daudi, ngiwa axaás Daudi iwa axweesi nee muu, iri ló'wa qa/iít as Daudi, iri oó', «Waáy gár nisa amoorí keér? Xáy bee/angwdá' niiná dír heé kwi geexeér baraá sla/ato? Aníng a xuú' iia wasleerók nee da/tá ta koon. Gár nisa baraakií /ét a slaqwara ngina qaytár eér.»

1 SAMUELI 18:8

Saulo gura' guri óh, asma /ayma'aá daa'angwí, gawaá adoorihe, iri qa/iít kángw kilá' wa ale, iwa kaahi, «Daudi ngwa kumér mibaángwí hanisiyé', ala dir'eene gár naa hanisiyé' a kumuú wák kilós. Gár aa met daxta a milá a Daudi waawuti'iima gan slaykáhe?»