Luka 15:15 - Biblía Axweesantá Hhohho' ar Mungú 2004

¹⁵ Iri tláy ay amór heeko yaamuudá'. Heedaádá' guri baraá qaymoorós i huúw, baynu ngiwa /aymiisi.

Ya/abtór hho' 1977

¹⁵ Inós iri tláy ay amór heeko oo yaamuudá'. Inós guri baraá qaymoorós i huúw, baynu ngiwa /aymiisi.

Luka 15:15 Iomraidhean Croise

2 QOM'I 28:22

Qoomár waawutmo Ahasi iwa baraá slahh'amuú i dirii'i, ina ló'wa dee/anuút dír AAKOÓ MUNGUHE.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

ESEKIELI 16:52

Kiíng murér tlakweemaawók an kilók gagát. Tlakweemaawók ki ak ló'wa tlaakw ta awa hhaeewók awa dasuuwo, sleeme an lak ooaan kwaáo hhaeewók awa dasu tlakweemaá ta kon i kahhiyá', nee laqaá tam dakuúsar'ín, bar an kiíng ar qoomeesaán. Gimáy daxta, muruút nee waaqa'amawók ooheek, asma adoorihe gár i laqaqaan a hhaeewók kwisíng in tlakweemaá kon'aaká.»

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

NAHUMU 3:6

Aníng slasla/ara ngun gawaawók i kwaáhh, iri gár niqaay tleéhh, aníng kiíng iri warqeés tawa gár ta i qaytsimiiti ar waaqa'ama.

MALAKI 2:9

«Gawaá adoorihe aníng kuungá' naa gár waaqa'atiit tleéhh, nee daqatlaakw, dír geeraá muu sleémeero, ar adoodá' hara'ayar'eé' kawa gaárí xua'aaká, ala muu una barqaantusé' baraá hara'ayar'eene.»

Matayo 7:6

«Gár hhoohhoo' ma seeaawérií haniisara', asma inooín kuungá' nun harawarqayá' nuri kikiihhiyá'. Slám miisli ma baynuú i kwakwaahhara', asma inooín mingiwa yaamií adaraahiyé'.»

Luka 15:13

Deelór niina iwa waaráhh, garmaadá' niiná muruuwós guri dinkwaárií qaás sleémeero, iri aa'aá káy baraá yaamaá saawá'. Amoodae muruuwós guri hhitaatín ar luhaá gana'a'aaká.

Luka 15:14

«Qoomár muruuwós sleémeero nguwa faák, giyér ur nay tleér baraá yaamuudae, inós sleeme iri waasl'amuút.

Luka 15:16

Garmaadá' qafoodá' baynu i /ayiya' giri slaá' ngiwa qwarkós ar tsaeemisi, asma heé gwa gaárí haniis i kaahh.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.