Luka 15:13 - Biblía Axweesantá Hhohho' ar Mungú 2004

¹³ Deelór niina iwa waaráhh, garmaadá' niiná muruuwós guri dinkwaárií qaás sleémeero, iri aa'aá káy baraá yaamaá saawá'. Amoodae muruuwós guri hhitaatín ar luhaá gana'a'aaká.

Ya/abtór hho' 1977

¹³ Deelór niina iwa waaráhh, garmaadá' niiná muruuwós guri dinkwár i qaás sleémeero, iri aa'aá káy baraá yaamaá saawá'. Amoodae muruuwós guri hhitaatín ar luhaá gana'a'aaká.

Luka 15:13 Iomraidhean Croise

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

AXWEESANOÓ SAGALOOA 18:9

Heé tli/usmo baraá gadiyeede, a daa'awmoó heé hhitusmo.

AXWEESANOÓ SAGALOOA 21:17

Heé iwiwit gu slaá' i narkuut, nee heé har xufta nee /ayma i daqaari'iitiiká.

AXWEESANOÓ SAGALOOA 21:20

Qaasarár afhhamít i baraá doó heé sagaloó', Ala heé daktani tós sleémeero gan afkwí kwaahh.

AXWEESANOÓ SAGALOOA 27:8

Heé aa diya/aat do'ós wá ale A adór tsir/ír aa qwat dír do'ose.

AXWEESANOÓ SAGALOOA 28:7

Garmoó dabe ga oh i sagalooár kón Ala garmoó aa haraagwaa' dír hheehhuuse a baabuúwós gun mureekeemiis.

AXWEESANOÓ SAGALOOA 29:3

Heé sagalooa ga slaá' baabuúwós gun qwal/atis, Ala heé nee /ameenír sli'imuso'o hootá' a hikwaawós gin feeín.

AXWEESANOÓ SAGALOOA 6:26

Asma heé nee /ameeni naa fuquusiye' mukaatmo gun haniis, ala heé nee harér hee taa fuquus a hhiintluuwós gun qwaarees.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 22:13

Ala ga/aawaak kuungá' ana qwalaa/é' tari qasesendé', awe nee bee/aango kiri tsu/é', fu'unaay kiri /agé', nee difaái kari xufé' tari katé', «Qwalaasé', a /ayimaán nee a xufiitaán, asma matlo a qatlaán.»

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 56:12

Inooín ta kaahi, «Qwalaasé' difaái a leelehhaán, qwalaasé' buurár aa hamat a xufaán, matlo aqo adór laarí. Slamí matlo ar qoomay wasl an ak slawaán.»

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

MIKA 6:3

AAKOÓ MUNGÚ i kaahi, «Muk'eé', gár naa kuungá' a tleéhh a milá? Nee gár nura slaaqatís a umós? Gimsé', kuungá' ooare'.

Luka 15:12

Garmaadá' niiná baabuúwós guna báy, ‹Baabá, baraá muruuwoge kudá' aníng wa hariím qasiisang.› Muruuwós kudií kon guri inooín i qasmiís.

Luka 15:14

«Qoomár muruuwós sleémeero nguwa faák, giyér ur nay tleér baraá yaamuudae, inós sleeme iri waasl'amuút.

Luka 15:30

Ala garmaawók kwí niwa hardáh, oo muruuwók gwa faak dinkwa nee /ameenár tsaatuuse, ugwa awuudá' wahhaár i gás.›

Luka 16:1

Aluuwo Yesu eeharuuserós gari báy, «Daqaarmooko i deer oo daqaari'iimarós gaa heekoó i saayin. Heedaádá' kuna dirós i sakwasleemuút ta kaahi, ‹I daqaari'iimarók hhititín.›

Luka 16:19

Yesu iri oó', «Heeko wák i deer, oo daqaarmo. Inqwaruú i tsitatiiti a inqwaruú sirda/atén, nee taa tleéhh ar kitaánír hhohho'. Nee umuú deelooro muruú /aymár hhó' gun /aa/aay.

Efeso 2:13

Ala hám daxta, baraá Kristo Yesuwo, kuungaádá' aáng saawá' bál geeraawo, tunda tseeweés as gwa'arár Kristo.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

2 Petro 2:13

Inooín ki slahh'eemiis asma adoodá' inooín nira slahh'eemisiye'. Tam qoomár tlaatla/aango inooín ta qwalalaa/ as hheehha. Mukwí bar nee kuungá' aga al'iwité' dír muruú /aymaaro, inooín tan /ayín ar bi/iri, gaarí a gár múk kríshaanáy gu slasla/areemiis nee gu murér i qamiim.