Luka 14:15 - Biblía Axweesantá Hhohho' ar Mungú 2004

¹⁵ Heeko wák aa dír muruú /aymárí iwiit, adoodá' ngiwa axaás, Yésú guri báy, «Heé amohhoó' a kudá' iwiít dír muruú /ayma baraá waawuti'iimár Munguhe.»

Ya/abtór hho' 1977

¹⁵ Heeko wák oo aa dír muruú /aymár i iwiit, adoodá' ngiwa axaás, iri oó' dír Yésú i alé, “Heé amohhoó' a kudá' iwiít dír muruú /aymár i alé baraá waawuti'iimár Mungú.”

Luka 14:15 Iomraidhean Croise

Matayo 25:10

Inooín tawa tláy, tawa di/tá tlaxór áy, heedá' duuxuuxuúm nay hardáh. Nee kudá' taa amohhe'eesiye' nee inós tari al dáh baraá doó duuxór i alé. Piindo kari qaás.

Matayo 8:11

Án a kah, múk yaariír ni hardah, oo da/aá daáhh nee /uwaawo. Inooín ta al iwiit dír muruú /ayma dinkwa nee Abrahamu nee Isaka nee Yakobo baraá waawuti'iimár dooriiwo.

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.

Luka 13:29

Aluuwo muu nin hardah oo da/aáw daáhh nee /uwawo, nee oo /iikú daáhh nee basko, nee inooín tari iwiit dír muruú /ayma baraá waawuti'iimár Munguhe.

Luka 22:16

Án a kah, u baloó /ayaaká ay dír i boo/i baraá waawuti'iimár Munguhe.»

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»