Luka 14:13 - Biblía Axweesantá Hhohho' ar Mungú 2004

¹³ Ala qoomár muruú /ayma bura tléhh, narkuute na ateeteek, nee taqooraay, nee múk tiqtír sol'omit, nee taampu.

Ya/abtór hho' 1977

¹³ Bar muruú /ayma ugwa tléhh, narkuute na ateeteek, nee taqooraay, nee múk tiqtír sol'omit, nee taampu.

Luka 14:13 Iomraidhean Croise

2 SAMUELI 6:19

Daudi múk Israeli sleémeero, hhawaate nee /ameenaaro, umuúqo heewo guna qáy ar mukaatmo, /aarmoó fu'uni nee mukaatmoó sabiíbu. Alaá tihe muu sleémeero iri tláy, umuú heewo iri waátl amór do'ós.

2 QOM'I 30:24

Waawutmo Hesekia oo Yuda, mukdá' aa didií burumburiit giri awér kumuú wák i haniís, nee bee/ángw kume faanqw, as kuwa ilahhooár wa haniisi. Geeraharuuse awe nga hanisiyé' kumuú wák nee bee/aangw kume mibaangw. Kaahamuusér Mungú ar yaariir tiri hhohhoés.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

NEHEMIA 8:12

Muu sleémeero iri tláy tawa /ayin nee tawa wahan, muu kuri tooín huúw, qwal/uú úr kway tleéhh, asma /aymi'iidá' taa dir'ín i alki/iít ngaa tsaahhiyé'.

YOBU 29:13

Tsuuqaá heé naa baraá tsaxwá wá tuú/ ina sláw, /ameenár kwaeeli ana /iimiís ngari qwal/úr áw.

AXWEESANOÓ SAGALOOA 14:31

Heé narkutmoó baramaanuús a Tleehharusmoowós gun /oosliislín, Ala heé gwaa sa hhooay a tleehharusmoowós gun ilamurumiit.

AXWEESANOÓ SAGALOOA 22:9

Heé gurhhoó' ku tsuuq. Asma inós nee narkutmo muruú /aymar'ín a emto.

ISAYA 58:10

Kuungá' barnaxes múk qwariít ugwa /aymisé', nee litlakuuse aga aaxisé', daqaní gwa/aateemahúng in baraá giwtír wa gwa/aatiyá'. Giwtirhúng tari adór tlatla/aangw.

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

Matayo 15:30

Boo/oó yaariír guri i daqáy. Nee múk aa sol'omiit kunguri amoorós i huúw, nee taampu nee múk afewaslene, nee taqooraywo, nee awa hatlá' awa yaariir. Mukwí kuri qaás dír ya'aá Yesu, giri hungu/uumiís.

Matayo 22:10

Lawaaleerós tidá' iri tleér baraá lohu, muu sleémeero kudá' taa qo ari kuri burumbuúr, múk tlákw nee múk hhoe. Doó duuxo iri haáts.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 14:12

Yesu heedaádá' gwa dír do'ós i dahi'is sleeme guri báy, «Muruú /aymaarók bura tléhh oo tlaatla/aangw, laqaá oo tsiindo, mulqeerók ma ateetaar, laqaá hhaeewók, laqaá mar'eefoowók, laqaá inslaawaywók oo daqaare, as inooín baalár hatlae muwa dahi'isiyé' as tuwa bui.

Luka 14:14

Kuúng daqaní amohhooa a sleér, asma kuká' gár ur buiya' i káhh. Bu'utuuwók a bál waasle/uú múk gan'amuú koóm.»

Luka 14:21

«Lawaalmoodá' iri kií/, kaangwí guri oó' dír aakoowós. Aakooduú do' loó' adoodá' ngiwa axaás, iri ló' wa buúhh, lawaalmoowós guri báy, ‹Tláw ar gaanslaay baraá luhuudaá uren awa baraá gixsa, nee baraá tsirxadaá gixsa, narkuute huwang nee taqooraay nee taampu nee múk tiqtír sol'omit.›

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Tito 1:8

Ala inós masók a heé múk dahi'imís, nee heé hhooeemaá slaá'. Nee masók a heé qoomoó koóm, nee heé gan'amuú koóm. Nee slám masók a heé hhoohhoó' oo ti kilós harmagagaáhh.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.