Luka 14:12 - Biblía Axweesantá Hhohho' ar Mungú 2004

¹² Yesu heedaádá' gwa dír do'ós i dahi'is sleeme guri báy, «Muruú /aymaarók bura tléhh oo tlaatla/aangw, laqaá oo tsiindo, mulqeerók ma ateetaar, laqaá hhaeewók, laqaá mar'eefoowók, laqaá inslaawaywók oo daqaare, as inooín baalár hatlae muwa dahi'isiyé' as tuwa bui.

Ya/abtór hho' 1977

¹² Yesu heedaádá' gwa dír do'ós i dahi'is guri báy, “Muruú /aymaarók bura tléhh oo tlatla/aangw, laqaá oo tsiindo, mulqeerók ma ateetaar, laqaá hhaeewók, laqaá mar'eefoowók, laqaá inslaawaywók oo daqaare, as inooín muwa dahi'isiyé' baalár hatlae as tuwa bui.

Luka 14:12 Iomraidhean Croise

AXWEESANOÓ SAGALOOA 14:20

Narkutmo ku slaiiká tam nee inslaawaywós, Ala daqaarmo ku mulqe yaariír.

AXWEESANOÓ SAGALOOA 22:16

Heé narkutmoó baramaanuús as iwa slaasláwaarós dogiiti, laqaá gan haniis dír daqaarmo, inósú kilá' sleeme aleema ngu slayá'.

Matayo 5:46

Asma bar kuungá' múk ta sla'a' a kudá' kuungá' nu slaá' gár kuungá' ta sleera' a umós? Tam mukduú ohmér ohahiím adoosíng ga tlehhaahhítiíke?

Luka 1:53

Awa qwariitá' gaa aaxiís ar muruú hhó', nee daqaare gaa tawó ki/ís.

Luka 1:58

Inslaawaywós nee mar'eefoowós kari axaás adór Aako ngira ló'wa gurtláy, sleémeero nee inose tari alqwalalaá/.

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 14:13

Ala qoomár muruú /ayma bura tléhh, narkuute na ateeteek, nee taqooraay, nee múk tiqtír sol'omit, nee taampu.

2 korinto 6:13

Án daxta a axweés nee kuungá' adór baabá nee na/iiwós, kuungá' munerhúng gweeraak direne sleeme, adoodár atén toorén ngira dirhúngií gweeraán.