Luka 13:7 - Biblía Axweesantá Hhohho' ar Mungú 2004

⁷ Aluuwo heedaádá' qaymoodár sabiíbu ga amohhe'emamiís guri báy, ‹Ga/aaweek, kureeriiká' tamaawo nin mamaá leelehhtuú aa'áw gawaá /aantsírí aleeró, ala gár ni slaaslaw i káhh. /Aantsírí tsateek. Gár yaamu ngihar tawo hhitiin a milá?›

Ya/abtór hho' 1977

⁷ Iri oó' dír heé qaymoodár misabiíbu ga amohhe'emamiís, ‘Ga/aaweek, kureeriká' tamaawo nin na/'aá leelehhituú aa'áw gawaá /aantsírí aleeró, ala gár ni slaaslaw i káhh. /Aantsírí tsateek. Gár yaamu ngihar hhitiin tawó alé a milá?’

Luka 13:7 Iomraidhean Croise

TI'INAANGW 32:10

Hám daxa aníng mawáng, aníng mukwí u i daa/atúw buhhtaawo nguri hhaamiís. Ala aníng kuúng u xoorór ur tleéhh.»

DANIELI 4:14

Iri tseé' ar afór ur i kaahi, ‹Xa'anoowí tsataak, haleemiiwós alkwaslaak loo/oorós bu'uumaak, mamuuwós tsiyayaxaak, masók makaá sla/a i diya/aatiyá' baraá mahhtírose, nee tsir/o i tlatlahh gawaá haleemiiwose.

TLAHHOÓ LAÁWI 19:23

«Bara hardaté' baraá yaamaá Kana'aniro, xaa'aá mamuuwós ta /aa/ayi awa daa'aweemaá dimbadimbé in dahaasiindá', ala mamuuín i /aga'aaká, kaa ya/anká /aymaro ay kureeri tám.

TLAHHOÓ LAÁWI 25:21

Gimsé', aníng yaamu in tsuúq bál kurkú lahhooe as bu'úngw bu'uút oo kureeraá tám nguwa hamareesiya'.

Matayo 7:19

Umuú xa'anoó mamaá hhó' gi laqwaliimaaká, kun tsaat, kway baraá ásltí kwaahh.

Luka 13:8

Ala heé qaymoodár sabiíbu ga amohhe'emamiís iri oó', ‹Aáko, kurkihe malé maweek. Án a kakaanuús nee a xawií qaás.

Luka 3:9

Hám tsawo kaa qaroó qaás baraá gam'ér xaai. Gawaá adoorihe umuúqo xa'anoó mamaá hho' gi laqwalimaaká ku tsaat kway kwaahh baraá asla.»

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.