Luka 13:27 - Biblía Axweesantá Hhohho' ar Mungú 2004

²⁷ Ala inós kuungá' nuri bay, ‹Amór ta dahha' aníng a xuaaká. Quutlé' dir'eene kuungaásingá' sleémeero awa tlakuuse.›

Ya/abtór hho' 1977

²⁷ Inós kuungá' nuri bay, ‘Amór ta dahha' aníng a xuaaká. Quutlé' dir'eene kuungaásingá' sleémeero awa tlakuuse.’

Luka 13:27 Iomraidhean Croise

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 101:8

Umuú looár tlawa tlakuuse sleémeero ar baraá yaamu an hhaamiís, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.

WARA'AMI 119:115

Quutlé' dir'eene kuungaásingá' tlakuúse, asma hara'ayár Munguúeé' ngiwa oh.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 28:3

Aníng mi harahuwaar dinkwa nee múk tlakuuse, kudá' tlakweemaá tlehhahhiít. Afer'ine i wayduú axweesiyá' dír inslaaway'ine, ala baraá muner'ine gár aa hats a wakaari.

WARA'AMI 5:6

Lamuuse sleémeero a hhaamís. In ahhít kudá' tsu/utár muu ngi sla'á' nee awa al/aymuuse.

WARA'AMI 6:8

Quutlé' dir'eene kuungá' sleémeero, awa tlakweemaá tlehhiitá', asma AAKOÓ MUNGÚ afór /aa/ee'eé' gaa axaás.

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.

Matayo 25:12

Giri i ilawaáts giri báy, ‹A ló', án a kah, án kuungá' nu xuaaká.› »

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Luka 13:25

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

1 Korinto 8:3

ala heé Mungú gu slaá' inós ku xuu' nee Mungú.

Galatia 4:9

Ala hám daxta kuungá' Mungú ugwa xué', laqaá an oo', hám daxta kuungá' Mungú naa xuú'. Kuungá' adór tara ki/é' a adoomá baraá /uuruú muruudá' liitlakwén nee oo /uuruú koomaaká? Asma gár kuungá' ta sla'a' a lawaali'iimár muruudá'.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»