Luka 13:16 - Biblía Axweesantá Hhohho' ar Mungú 2004

¹⁶ Ala /ameenirír xwaylár Abrahamu, inós Neetlaangw gana slahh'eemiís kureeri mibaá nee dakaát, ala inós i hariíndaáke kawa hungu/uusi baraá slahh'amuuwihe bál deelór Sabaátoro.»

Ya/abtór hho' 1977

¹⁶ Ala /ameenirí ar xwaylár Abrahamu, inós Neetlaangw gaa tseék kureeri mibá nee dakaát, ala inós i hariíndaáke kawa gweeri baraá tseegamoorihe bál deelór hungu/umaawo.”

Luka 13:16 Iomraidhean Croise

WARA'AMI 107:14

Giri duúx baraá deewa'ameero nee baraá giwtiro, nee muqsladá' kira tsegiít gari giqáy.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Marko 2:27

Giri báy, «Deelór Sabaáto kana tleéhh as hee, ala hee kwa tleehhiiká as deelór Sabaáto.

Luka 16:24

Daqaarmoodá' iri tseé' amór Abrahamu iwa kaahi, ‹Baabá Abrahamu, án gurtlawáng. Lasaro ya/aaweek ma'aay ngi tikiisi ar diitsarós, tsifrangw'eé' ngu tse'eesi, asma baraakae asla i ló'wa slahh'eemís.›

Luka 19:9

Yesu iri oó', «Laarí ba/ama naa hardát baraá do'wí, asma heewí sleeme oo tlahhoó Abrahamu.

Luka 3:8

Tlehhma'aá hhu'u'ungwhúng ngu laqaqamá' na tleehhaak. Slám ma baraá munerhúng i kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

2 Timoteo 2:26

as kahhó' inooín tsaahha ngiwa slaya' nee niwa kotsqotiya' baraá tsaaxweelidár Neetlaango. Asma inooín kaa tsegiít baraá tsaaxweelidá' i alé, as sla'aarír Neetlaangw ngiwa tlehhiitiya'.