Luka 13:11 - Biblía Axweesantá Hhohho' ar Mungú 2004

¹¹ Nee /ameenirka didaádae i deer ar neetlaamér aa eér. Inós neetlaameedá' iimír ngiwa eér kureeri a mibaá nee dakaát. Neetlaameedá' gari qwambatisa hhe'és, slám inós gan'aasaro ti aleesleeraaká.

Ya/abtór hho' 1977

¹¹ Nee /ameenirka didaádae i deer ar neetlaamér koom. Inós neetlaameedá' iimír ngiwa eér kureeri a mibá nee dakaát. Neetlaameedá' gari qwambitisa hhe'és, slám inós gan'aasaro ti aleesleeraká.

Luka 13:11 Iomraidhean Croise

YOBU 2:7

Neetlaangw iri didár geeraá AAKOÓ MUNGÚ wa tláy, Yobu guri slahh'eemiís ar inkahh'aá tlakw, inkahhi'iiká' slaqwa sleémeero ngina alti'iitiyé', iimír tsa/oó yaaér wa tleemu ay tan/ér saga.

WARA'AMI 145:14

AAKOÓ MUNGÚ kudaádá' sleémeero naa huuiye' gin gáwtí oh, kudaádá' sleémeero gurhaamutá' gin gurkwa/as.

WARA'AMI 146:8

AAKOÓ MUNGÚ taampu giri ila' qaytsitis, AAKOÓ MUNGÚ kudá' ta slahh'eemisi gin alee/iis, AAKOÓ MUNGÚ múk hota ganaá' gu slaa'.

WARA'AMI 38:6

Slahh'amaaye ina qwaambatís. Tlaatla/aangw sleémeero ana toonganumaamiís ar tsuunqumis.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 6:2

AAKOÓ MUNGÚ, án gurhhooárí tleehháng, asma án a liitlakusmo. AAKO MUNGÚ, án hungu/uusáng, aníng aga slahhaá'.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 9:21

Yesu baabuú garmaadá' guri yaahaás, «Gaarí ngwa eér a iimír xaylá?» Iri oó', «Iimír tawa na/aay.

Luka 13:12

Yesu ngiwa ár, gari ateét kari báy, «Aáyo, kiíng aga hungú/ baraá slahh'amaayeerók tisinge.»

Luka 13:16

Ala /ameenirír xwaylár Abrahamu, inós Neetlaangw gana slahh'eemiís kureeri mibaá nee dakaát, ala inós i hariíndaáke kawa hungu/uusi baraá slahh'amuuwihe bál deelór Sabaátoro.»

Luka 21:28

Gimsé', kaangwí barnaxes naa iimu/ún, ta magahhá', ti amohhe'ese', asma qoomaadae gweermorhúng naa tseewuúr.»

Luka 8:2

nee /ameenarka geeraawo neetlaame aa eér nee tiqti, kari hungu/uús. Umer'ín a Mariadá' ta bay Magdalene, tidár neetlaamér faanqw kawa duxún,

Luka 8:27

Yesu iwa aweér, nee heeko wák oo yaamuudá' tina doogiyé' oo neetlaame aa eér. Deelór yaariire tlaba' gi tsitaatitiiká, tam i doó hootiiká. Dír i hooti a baraá /aantu.

Luka 8:43

Nee /ameenirka i deer ar tiqaaqiim kureeri mibaá nee tsár ar tiqtír ubíngw tseerdu. Daqaari'iimarós sleémeero gana qwaslaarér i fák, ala oo gaa hungu/uus i kaahh.

Tlehhema'aá ya/Abuuse 3:2

Heeko taqoormo iimír kuwa laqwaali kuri afkú Doó Mungú i áy, afkú do'dá' ta bay oo Hhoohhoó'. Heewí umuúqo deelooro kun gagaraarín didií ale, as ilahhooa ngiwa firirin dír mukdá' baraá Doó Mungú i daráh.

Tlehhema'aá ya/Abuuse 4:22

Asma heedaádá' taa muruú xuawaslén i tleéhh, kudá' taa hungu/uús, kureeriiwós mibeeraá tsiyahhe naa waarahhiyé'.