Luka 12:57 - Biblía Axweesantá Hhohho' ar Mungú 2004

⁵⁷ «Ala kuungá' kiloohúng mas waagwedita'aaká tidá' ganaa'?

Ya/abtór hho' 1977

⁵⁷ “Ala kuungá' kiloohúng mas waagwedita'aaká tidá' ganaa'?

Luka 12:57 Iomraidhean Croise

Matayo 21:21

Yesu giri báy, «Án a kah, kuungá' bar haratlintaao a koondá', nee a xuruumita'aaká, ar ta tlehha' a tír /aantsí kiloseeká. Tam tloomarí sleeme bara beeré', ‹Quútl, tláw ti kwahhtá eer baraá tlawi,› adoorí i tleehharút.

Matayo 21:32

Asma Yohane nina dirhúng i hardáh ar loohír gan'amu, kuungá' kuri haratlinti'i'iiká. Ohomuusér koódi nee tsaatuuseero kuri haratlintií'. Kuungá' adoodá' kawa aandé' tam sleeme aga hhu'u'uundi'iiká as kuwa haratlintia'.»

Luka 21:30

Xaaiiká' barnaxes loo/or'ín aa páhh nee ar /aben niri harmá/, an tsahhá' adór qoomár tluwaay niwa hardihi nira tseewuúr.

Yohana 7:24

Muu mu sakwasleemuutara' ar barqaanti, ala sakwasleema na tlehhitaak ar loohír ganaa'.»

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

1 Korinto 11:13

Kuungá' kiloohúng alqaytsitaak. Xáy, a gár hariíma /ameeni Mungú nguwa firiin barnaxes saga gwa tuntukiká?

1 Korinto 11:14

Ahaá, tlehhemuusíng kuungá' tundura tleéhh, ngi laqaqankáhe dirhunge barnaxés hhawaata ku se'eengw tlét, a mure dirose.

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.