Luka 12:56 - Biblía Axweesantá Hhohho' ar Mungú 2004

⁵⁶ Kuungaá' hhaahhafuúse. Kuungá' doori nee yaamu i tsatsahhaandá', ala tí tleehharumiit de'emaakae mas tsatsahhaanda'aaká?»

Ya/abtór hho' 1977

⁵⁶ Kuungá' a hhaahhafuuse. Kuungá' doori nee yaamu i tsatsahhaandá', ala tí tleehharumiit de'emaaká', gídaabárós mas tsatsahhaanda'aaká?”

Luka 12:56 Iomraidhean Croise

1 QOM'I 12:32

Múk Isakari geeraharuuse a tsiire tsár, nee hhaeeín sleémeero awa ta ya/abiiti. Geeraharuuseerí xu'utír qom'i ga koón nee ka xuu' gár múk Israeli kus hariím tleehhamooro.

HAGAI 2:7

Aníng xoordu sleémeero i daaraxaás, nee daqaari'iimár xoordu sleémeero kingi huuw baraá do'owí, aníng do'owí u hatsiís xirfuuwo. Anuú AAKOÓ MUNGÚ Aleesleemusmo tí ngina oó'.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 16:3

Looa binda tleér a kata', ‹Laarí tluwaay i tluuw, asma doori ki daa/aat, slám i huunkoó koná'.› Kuungá' a hhaahhafuuse. Afaá doori tsatsahhaango i aleesleerá', ala layár de'emuuká' tsaahharo mas aleesleera'aaká.

Matayo 6:2

«Kuúng bar gaa a heé i haniisár wa slá', ma dír múkwí kaahaar as muu ngiwa xui, adoodá' hhaahhafuuse i tlehhaahhit baraá maraá saaliingo nee baraá lohuuwo, inooín gár ta slai a masók kin xirfayeemiis nee muu. Án a kah, bu'utuuín ngwa qaroó slayé'.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,