Luka 12:5 - Biblía Axweesantá Hhohho' ar Mungú 2004

⁵ Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

Ya/abtór hho' 1977

⁵ Ala án ngu xu'utís oo kuungá' ta da'ayuta'. Mungú na da'ayumitaak, kudá' aleesleemu gu koóm oo hee ngur kwahhi baraá asltá baloó gwaa'aaká, alaá gaasaro burkwa hhe'eés. Eeít, án a kah, kwí na da'ayumitaak.

Luka 12:5 Iomraidhean Croise

WARA'AMI 9:17

Tlakuuse amór i keer a baraá gi'i, tam múk xoordu kudá' Mungú ngwa gunqareesiye' sleeme i amoodá' kayá'.

AXWEESANOÓ SAGALOOA 14:26

Heé AAKOÓ MUNGÚ gu ilaiwawaá/ harahhifór /uuruú koom gaa sláy, Tam na/iiwós sleeme dír ni guwiya' ngi slayá'.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 41:18

asma tawa múk Kaldayo da'ayumiti. Asma Ishmaeli garmoó Netania, Gedalia garmoó Ahikamu, kudá' taa qaás ga/aawusmoó wa alé nee waawutmoó Babuloni nguwa gaás.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Marko 13:23

Ala kuungá' ti harmagahhe', asma án umuú gaaro ngaa kuungá' báw.»

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

Ebrania 10:31

A gár dae tlaaq kángw kilá' wa ale bara huuaán baraá dabaá Munguú slaáf i alé.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 20:14

Gwa'ara nee gi'iiwo kiri kwaáhh baraá tlawtadá' asla iwa ohahiin. Tlawtí asla iwa ohahiin an gwa'arár tsár.