Luka 12:48 - Biblía Axweesantá Hhohho' ar Mungú 2004

⁴⁸ Ala sagadiyusmoodá' gár muxtár wa hariim gaa tleehh, asma ngiwa xuiiká, inós muxtaaros ka ureeká. Kudá' muruú yaariír gwa slay, ar dirose ta slai ka yaariir. Kudá' taa muruú yaariír i saayín, inós kuqo iinuus muruú yaariire.»

Ya/abtór hho' 1977

⁴⁸ Ala sagadiyusmoodá' tidár muxtár wa hariim gaa tleehh, asma ngiwa xuiiká, inós muxtaaros ka ureeká. Kudá' muruú yaariír gwa slay, ar dirose ta slai ka yaariir. Kudá' taa muruú yaariír i saayín, inós kuqo iinuus muruú yaarire.”

Luka 12:48 Iomraidhean Croise

TLAHHOÓ LAÁWI 5:17

«Barnaxes hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh aa dakuús, heewí a doohhisa.

FAARO 15:27

«Heé wák bar aa dakuús ar pa/aayo, inós dareemír leei ar kurkú wák ngi ilahhooár tlakweema hingeesár wa haniisi.

Matayo 13:12

Asma umuúqo heewo oo gár koóm, ka dook. Slám kay tlahhasa hhe'ees. Ala umuúqo heewo oo gár koomaaká, tam tidá' niina i kon ka hayoh.

Matayo 23:14

Kuungaá intsaahhatuusér hara'ayár Mose nee múk Farisayo awa hhaahhafuuse a tsaxwaahúng. Asma kuungá' muruú kwaeeli un /aa/agá', nee firór yaariir a firaariindá' ar hhaahhafiingw. Gawaá adoorihe sakwasleemarhúng ka ak ur.]

Luka 12:41

Petro iri oó', «Aáko, slaqsaywí nguna atén kilootén i ói, laqaá tam dír muu sleémeerowo ugwa ó'?»

Luka 12:49

«Aníng nina hardáh asla ngiwa huuw baraaká' yaamu. Alók geeraawo masók ina qaroó ót.

Luka 16:2

Guri ateét guri báy, ‹Kaangwí muu i kaahi daanduuwoge a umós? Xáda, faarór muruueé' sleémeero diirí laqaamang. Asma kuúng a sangw kumitaká gadiyeésinge.›

Yohana 15:22

Án geera binda hardihiiká nee nari axweés nee inooín, geera ta tlakweemaá konká. Ala hám daxta tlakweemaaín tlaankuuwo ngi aleeslay'aaká.

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

DABE 25:2

Barnaxes heedá' aa dakuus gár kuwa hariím a muxta, har'ohusmo ngu yaamií qaatisi, nee ku muxi ar qawaay dír geeraá har'ohusmoó wa ale. Muxta ka faari ar adoodá' dakuúsarós i diri'.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Yakobo 3:1

Hhaee'eé', múk yaariír baraahunge matawa intsaahhatuuse tleehhimiít, asma a xuá' adór ateéká' intsaahhatuuse sakwasleemarén kar ló'wa úr ta tidár múk hatlae.