Luka 12:35 - Biblía Axweesantá Hhohho' ar Mungú 2004

³⁵ «Masók aga siinootiindé' nee tsaa'asayhúng masók i gwa/aat.

Ya/abtór hho' 1977

³⁵ “Masók aga siinootiindé' nee tsaa'asayhúng masók i gwa/aat.

Luka 12:35 Iomraidhean Croise

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

AXWEESANOÓ SAGALOOA 31:17

Siinootaywós gun tsék, gadiyeede tiri ifís. Istá kundaywós i tunuunu/ká.

ISAYA 11:5

Hotaá ganaa'á' a adór himuú afeetloowós, nee inkihhimu a adór himuú afeetloowós.

ISAYA 5:27

Baraá tla/angw'ine hee i kaahh oo slaaqaát, laqaá ti dukuutsiiká, laqaá oo gufiís i kaahh, laqaá oo guú', tam him'ér afeetler'ín in slakwekwe'etká, tam oo ya/ati i tsatitiiká.

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 12:36

Nee kuungá' masók a adór múk aakooín daamaaraám oo ni amór doó aakoó duuxór wa kií/. Nee qoomár binda hardáh nee bir ateetín, inooín piindo kawa adaá duuxi.

Efeso 6:14

Gimsé', ti amohhe'esé'. Siinootayhúng a looeema. Gaambór ta da/eewár qoomesa' a hotaá ganaa'á'.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.