Luka 12:32 - Biblía Axweesantá Hhohho' ar Mungú 2004

³² «Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Ya/abtór hho' 1977

³² “Ma da'ayumitaara', kuungá' awa daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 12:32 Iomraidhean Croise

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

Matayo 14:27

Yesu gina adaá i ilawaáts, giri báy, «Gur'e gawdeesaak. Hee a aníng. Ma da'ayumitaara'.»

Matayo 20:16

Yesu iri ilawaáts giri báy, «Gawaá adoorihe, kudá' alaá hará' ta geerií waaraahh, nee kudá' geeraá hará' ta alhhe'eesáy kii/.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Luka 10:21

Hamtidár kilae Yesu kuri qwal/aás nee Qeeruú hhoohhoó' oo Mungú, iri oó', «Án kuúng un sluufiís, Baabá, Aakoó doori nee yaamu, asma muruuwí ugwa laqaandiiká dír múk dahareemaá koóm nee fuquraangw, ala una laqaán dír na/aá ninakw. Eeít, Baabá, asma an adoodá' kuúng kara slá'.»

Yohana 18:36

Yesu iri oó', «Waawuti'iimar'eé' ar baraaká' yaamuuwooká. Waawuti'iimar'eé' geera bar ar baraaká' yaamu, eeharuuser'eé' geera án iga aleesláqw, aníng mitiwa haniís amór múk Yahudi. Ala waawuti'iimar'eé' ar baraaká' yaamuuwooká.»

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 20:29

Aníng a xuú' adór án bar aga tláw, taweruú xaraásl ir dáh baraá tla/angwhúng nee múk kríshaanáy gu gurtlayká.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

2 Tesalonike 1:11

Gawaá adoorihe gaarí an gár atén kuungá' nus aleefiriirimaan umuúqo deelooro, as kahhó' Mungú kuungá' nuwa harafaari tawa hariinda' ateetamoorose. Atén Mungú un firiirimaán as kahhó' inós ar /uuruuwose hhooeemaadá' ta sla'a' tleehhamooro ngiwa boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

2 Tesalonike 1:5

Gaarí ga laqaqaan adór Mungú sakwasleemár ganaa' ngir tleéhh. Nee adór kuungá' tar hariindá' waawuti'iimár Mungú kawa sleera'. Asma kuungá' tunduna slahh'eemiís as waawuti'iimarí.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.