Luka 12:15 - Biblía Axweesantá Hhohho' ar Mungú 2004

¹⁵ Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Ya/abtór hho' 1977

¹⁵ Yesu giri báy, “Qaytsité', ti harmagahhe', ma múk qahuuse tleehhitaara'. Asma daqaari'iima tam ka yaariír dír heewo, i slafíngw hupká.”

Luka 12:15 Iomraidhean Croise

1 WAAWITÁ 2:40

inós daqwaywós guri i tsa/án, iri tláy ay Gati amór Akishi, as lawaaleerós ngiwa leeleehhi. Shimei lawaaleerós gari Gatír wa sláy, ngari ar waátl.

YOBU 2:4

Neetlaangw AAKOÓ MUNGÚ guri báy, «Kaahari nee kaahari, hee umuúqo gár i kona aqo gan duux as slafiingós nguwa ba/amisi.

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

WARA'AMI 37:16

Daqaari'iimár niina ar heé hhoó' i kon ka afhhamít ta ak daqaari'iimár yaariir ar múk tlakwe.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

AXWEESANOÓ SAGALOOA 15:16

Daqaari'iimár niina dinkwa nee AAKOÓ MUNGÚ bur ilaiwaawá/, an gár hhoo' ta daqaari'iimár yaariire dinkwa nee slahh'amu.

AXWEESANOÓ SAGALOOA 16:16

A gár hhoo' sagalooa kawa sleer ta sahaábuwo, sleeme a gár hhoo' tsaahha kawa sleer ta muqslidár peésaaro.

AXWEESANOÓ SAGALOOA 28:16

Geeraharusmo bar tsaahha nguwa /aaruúr a baramaanusmoó xaraásl dír muko Ala geeraharusmoó slaasláwár al/ayma ga sla'aaká ku slafiingw tleér.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

HABAKUKI 2:9

«Tsaxwaawók kuúngudá' do'ók ugwa daqaari'itís ar /aytár muruú múk hatlá', nee do'ók oo tleér kuri tléhh as gár tlaakw uwa sleeraaká.

Marko 7:22

nee iwa tsaatusmo tleehhiti, nee iwa qahusmo tleehhiti, nee iwa muruú tlákw tlehhiiti, nee iwa al/agin, nee iwa heé mure wásl tleehhiti, nee iwa iltá tlaákw ar xumiisi, nee iwa daanduú heé kaantin, nee iwa daara/an nee iwa daktu'uuti.

Luka 12:16

Yesu slaqsaywí guri dir'ín i oó', «Qaymór heeko daqaarmo ina ló'wa hamát.

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Luka 8:14

Kudá' paahh baraá laqaya', an slaqsoó mukdá' gaa axaas, baraá hotaaine kiri tliíq nee daawitame nee daqaari'iima nee qwal/amaayér slafíngw baraá yaamu, axweesantadá' mamuuwós gay hamaaresiká.

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

2 Timoteo 3:2

Asma qoomaadá' binda hardát, muu a múk ti kilooín slaá'. Slám muu a múk peésár slaá', nee a múk ti kilooín xirfayeemiís. Muu a múk daara/aám, nee a múk múk /ooslisliím, nee múk xwaylitér'ín ilaiwawa/aaká, nee múk sluufaay wásl. Nee slám a múk hhohhoeká.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.