Luka 11:48 - Biblía Axweesantá Hhohho' ar Mungú 2004

⁴⁸ Gawaá adoorihe gadiyeédár baabi'iihúng an lamabu'uundá' nee ana ya/aandé'. Asma inooín aaruuse kana tsuú/, nee kuungá' an /aantuuín parootusá'.

Ya/abtór hho' 1977

⁴⁸ Gawaá adoorihe an lamabu'uundá' nee ana ya/aandé' gadiyeédár baabi'iihúng. Asma inooín aaruuseedá' kana tsuú/, nee kuungá' an /aantuuín parootusá'.

Luka 11:48 Iomraidhean Croise

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

YOBU 15:6

Axweesantók ar kilá' kuúng una sakí/, a aningeeká, /Aymi'iiwók kuúng un lamaabu'uná'.

WARA'AMI 64:8

Inooín ki hhaamiis as axweesanoó afer'ín ar kilá', heé giqo ara saga gun muumukuumiis.

ESEKIELI 18:19

«Ala hám kuungá' a yaahamisá', ‹Ahaá waáy, gár na/aywí kus sakwasleemuutiiká as tlakweemaá baabuúwós?› Na/aay barnaxes tidá' ganaa' nee hariim gaa tleéhh, inós bar i inkihhimuú kón daber'eé' ngiwa eehari sleémeero, inósuuwí aqo in hoot.

Matayo 23:27

«Kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng, kuungá' a slaqás nee /aantaá taa sliík ar chokaá'a. Bira tsee/aá wa aán, ki hhohho', ala baraadane gár aa hats a fadaá múk aa qaatl nee slasla/areema sleémeero.

Matayo 23:31

Gawaá adoorihe kuungá' ti kiloohúng lamabu'uundá' adór tar na/aá mukdá' aaruuse gaa tsuu/.

Luka 11:47

A tsaxwaahúng, asma kuungá' /aantaá, aaruuseedá' taa tsuú/ nee baabi'iihúng in parootusá'.

Luka 11:49

Gawaá adoorihe gaarí an gár sagalooár Mungú isa ó', ‹Ga/aawaak, aníng aaruuse nee ya/abuuse an amor'íní ya/aáw, nee bahh'alé kin tsuu/, nee bahh'alé kin gusiisín,›

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

Yakobo 5:10

Hháe, aaruuseedá' aa axwes ar aleesleemuudá' Aako aa dir'ín i haniís, inooín masók a slaqsaay dirhunge, as adoodá' niwa qiqtliné' qoomár slahh'amu nguwa slayé'.

YOSHUA 24:22

Yoshua mukdá' guri báy, «Kuungá' a lamabu'uuse daandemoohunge adór tara tsawdiindé' AAKOÓ MUNGÚ kuwa sagadiyusa'.» Inooín nguri bayé', «Kahhoo', atén a lamabu'uuse daandemoorene.»