Luka 11:42 - Biblía Axweesantá Hhohho' ar Mungú 2004

⁴² «Kuungá' múk Farisayo, a tsaxwaahúng. Asma ilahhooár manákw nee sugdáy nee da'awemo sleémeero awa naanú in duxuundá', ar wák baraá mibaango tawa ar Mungú, amorqaáqae gan'amu nee sla'aarír Mungú iga sié'. Gár tunduwa hariím a tír geera an tlehhá', dinkwa nee tír tsár sleeme.

Ya/abtór hho' 1977

⁴² “Kuungá' múk Farisayo, a tsaxwa sakwasleemarhúng kawa wa /akuta'. Asma ilahhooár manákw nee sugdáy nee da'awemo sleémeero awa naanú in duxuundá', oo wák baraá mibaango tawa oo Mungú, amorqaáqae gan'amu nee sla'aarír Mungú aga meeré'. Gár tunduwa hariím a tír geera an tlehhá', dinkwa nee tír tsár sleeme.

Luka 11:42 Iomraidhean Croise

NEHEMIA 10:37

Puuruú geera, nee ilahhooarén, nee mamaá xaai, nee difaái nee di/ito in huwaán dír kaahamuuse baraá kutuwoó doó Munguúrén. Slám baraá bu'ungwrene ar wák baraá mibango ngin huwaán dír múk tlahhoó Laáwi asma inooín gadiyeérír burumburiingw ngin tlehhitiyá' baraá ayeemoorene.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

DAHARUSMO 7:18

Muruuwí tsaraawo ooheek nee mu baloó geexawaar. Asma heé Mungú gu ilaiwawaá/ ku adoorír gawdees.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

MALAKI 3:8

Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 23:27

«Kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng, kuungá' a slaqás nee /aantaá taa sliík ar chokaá'a. Bira tsee/aá wa aán, ki hhohho', ala baraadane gár aa hats a fadaá múk aa qaatl nee slasla/areema sleémeero.

Luka 18:12

Aníng an gwaawawiím baraá wiíkír wake sagaáwa tsár. A ilahhooár hanimaamiís baraá daqaari'iimar'eé' sleémeerowo, ar wák baraá mibaango tawa ar Mungú.›

Yohana 5:42

Ala án kuungá' naa tsaáhh adór sla'aarír Mungú ir káhh baraahunge.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.