Luka 11:41 - Biblía Axweesantá Hhohho' ar Mungú 2004

⁴¹ Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Ya/abtór hho' 1977

⁴¹ Ala tidá' sleémeero ar baraá isaangi nee qware/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 11:41 Iomraidhean Croise

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

AXWEESANOÓ SAGALOOA 14:31

Heé narkutmoó baramaanuús a Tleehharusmoowós gun /oosliislín, Ala heé gwaa sa hhooay a tleehharusmoowós gun ilamurumiit.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

Matayo 26:11

Asma liitlakuuse nee kuungá' a dinkwa umuúqo daqto, ala án nee kuungá' umuú baalaaro a dinkwaarooká.

Matayo 5:42

Heé kuúng u fiririím qaweek, nee heé kuúng u kirkiít mu /itaar.»

Marko 7:19

asma i datká baraá muunuú hee, aqo har baraá gura' kilós, aluuwo nin ti'ít, kari kwaahh.» Axweesantihe gari xu'utís adór umuúqo gár /ayma ir hariín kawa /ayi.

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 16:9

«Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaót baraá hotaá kureerisleeme.

Luka 18:22

Qoomár Yesu tí ngiwa axaás, guri báy, «Tam hamí gár wák uga wa /aaruúr. Muruudá' ta koon sleémeero weeriseek, nee peésaadá' ta sleer ka narkuutér i qasmís. Daqaari'iimarók a gawaá doorí eér. Daqaní ni hardát, aníng i eehát.»

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

Tlehhema'aá ya/Abuuse 10:15

Afo guri i hardát sagaáwa tsár wa aleeró, guri beér, «Muruú Mungú aa hheehhe'eés, kuúng mu slasla/aruú babawaar.»

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.