Luka 11:39 - Biblía Axweesantá Hhohho' ar Mungú 2004

³⁹ Aako iri oó', «Kuungá' múk Farisayo daanduú isaangi nee oo qwaree/amo in hamtlitá', ala baraahunge gár aa hats a /ayta nee tlakweema.

Ya/abtór hho' 1977

³⁹ Aako iri oó', “Kuungá' múk Farisayo daanduú isaangi nee oo qware/amo in hamtlitá', ala baraahunge gár aa hats a malgu'uuma nee tlakweema.

Luka 11:39 Iomraidhean Croise

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

2 QOM'I 25:2

Amasia hhooeema gina tleéhh dír geeraá AAKOÓ MUNGUHE, ala gaa guruú /awaákár tleehhiiká.

WARA'AMI 22:13

Iga afeérí awaatliyé' adór dirángw /oroótl oo gár feehhamisuú wa slaá'.

AXWEESANOÓ SAGALOOA 26:23

/Ayma'aá tsuuá' awa heé inslaway tlákw a adór qambesamoó taa parootuús.

AXWEESANOÓ SAGALOOA 26:25

Heé adoorí bir amoorógí axwees ar axweesanoó hhó' mu ya/amaar, asma muunaáwós i haats aahhiro.

AXWEESANOÓ SAGALOOA 30:12

Mukko i deer oo ti hhoohhooeemiís ar afer'ín Ala iringér'ín kaa hamaatliiká.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Luka 7:13

Qoomár Aako ngiwa ár, guruuwós iri tláy, gari báy, «Ma /aa/amiimaar.»

Luka 7:19

gari ya/aáw amór Yesu, kuwa yaahasi gídaabá, «Kuúng an kudá' hardáha, laqaá heé hatlá' un daamaán?»

Yohana 12:6

Inós adoorí gaa ooiiká as liitlakuuse ngiwa gurtláy, ala asma inós tawa fisusmo. Nee inós a heé tlakwayduú peésa gu amohhe'eemamiís. Inós peésaadá' ta baraadií qamaamin gan fisaasín.

Yohana 13:2

Qoomár tsiindoowo Yesu nee eeharuuseerós ta dír muruú /aymár i dirii'. Yuda, garmoó Simon Iskarioti, Neetlaangw gwaa áy gari slaá' Yesu nguwa saki/i.

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.

Galatia 1:14

Aníng niri kumiít baraá diinír Yahudiro ta múk yaariír ba/a baraá qartadár tlahhay'eene. Aníng ilakaaharu una ló'wa tleéhh asma uunuudaá baabi'iirén.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.