Luka 11:34 - Biblía Axweesantá Hhohho' ar Mungú 2004

³⁴ Tsaa'astá slaqwa a ila. Ala bar iltók ka hhoo', slaqwtók sleémeero i gwa/át, ala bar iltók ka tlaakw, slaqwtók sleeme i gíp.

Ya/abtór hho' 1977

³⁴ Tsaa'astá slaqwa a ila. Ala bar iltók ka hhoo', slaqwtók sleémeero i gwa/atamaayér koón, ala iltók bar ka tlaakw, slaqwtók sleeme i gíp.

Luka 11:34 Iomraidhean Croise

IIMU/UUNGW 19:11

Aluuwo mukdaádá' afkú doó i dirií' kuri taampúy, oo ninákw nee oo urene, tam tay slaaqamiít afkú do' leelehhtuuwo, kuri slayká.

WARA'AMI 119:18

Aníng iimi gwa/atisáng, as kahhó' muruú waa/oo/amór baraá dabeerók nguwa tsaahh.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

AXWEESANOÓ SAGALOOA 21:4

Xumsír daara/aangw nee inslawoó daara/aango, a tlehhma'aá múk tlákw ngin geehhoeemisiyá'.

AXWEESANOÓ SAGALOOA 28:22

/Akusmo daqaari'iima gan mak gaanslár leeleehh, Inós ga xuiiká adór aleema ngur i hardihiyá'.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 42:19

A heemá oo taampa ala aqo har sagadiyusmooeé', laqaá oo matooyi adór ya/abusmoodá' aníng naa ya/aáwi. A heemá oo taampa adór sagadiyusmoodá' aníng naa paraátl, laqaá oo taampa oo adór sagadiyusmoó AAKOÓ MUNGÚ?

ISAYA 44:18

Mukwí gár i xui i káhh tam gár i tsatsahhana'. Asma ilaaín kaa gumamaá' as adoorí i xumisiaaká, fuquraangw i kaahh as adoorí gár i tsatsahhana' i káhh.

ISAYA 5:20

Tsaxwaaín mukdá' tlakweema ngi hhooeemaá babaawá', nee hhooeema ngi tlakweemaá babaawá'. Giwtiro ta kaahi a gwa/aateema, nee gwa/aateema kin babay giwti. Qarqaraywo ta kaahi nuqnuqaay, nee nuqnuqaay dir'ine a qarqaraay.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

YEREMIA 5:21

«Iia qaasaak, kuungaáká' iimibo/ nee múk daktana, múk ilaá koóm ala i xumiisiiká, múk iaá koóm ala i axamiisiiaaká.»

Marko 4:12

as kahhó', ‹Ta qaytsiti ala makawa ár, ta axaasi, ala makawa tsaáhh, Mungú mukuwa i warqáy nee gurtleemuú tlakweema mukuwa sláy.› »

Marko 7:22

nee iwa tsaatusmo tleehhiti, nee iwa qahusmo tleehhiti, nee iwa muruú tlákw tlehhiiti, nee iwa al/agin, nee iwa heé mure wásl tleehhiti, nee iwa iltá tlaákw ar xumiisi, nee iwa daanduú heé kaantin, nee iwa daara/an nee iwa daktu'uuti.

Marko 8:18

A ilaá koondá', a xumisa'aakáhe? A iaá koondá', a axamisa'aakáhe? Sleeme a inslasleera'aakáhe

Luka 11:35

Ala ti alqaytsit, gwa/aateemaá baraawók i diriiá' mindiwa giwti tleehhiyé'.

Tlehhema'aá ya/Abuuse 13:11

Ga/aaweek, dákw Aako hám i gawaawók i dirii', nee kuúng a taampút, tsee/amá u aandaaká ay qoomarka.» Hamtidár kilae giwti nee ma/ami guri qiptís, iri harweerirín as heé gu gan'aamiís nguwa leelehhiiti.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Efeso 1:17

Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

Efeso 6:5

Kuungá' lawaále, daqaarerhúng tidá' ta sagadiyusa' iialooeemisaak, ar muunuú /awaák, ar dae nee daaraxaay, adoodá' geera Kristo kur sagadiyusa'.

Kolosai 3:22

Kuungá' lawaále, daqaarerhúng tidá' ta sagadiyusa', ilaiwawa/aak baraá mura' sleémeerowo. Kuungá' masók a adór lawaaleedár ilaá maaqumisaaká, tidá' ti tawó sla'atimis dír múk i alé. Ala masók an gadiyusá' ar muunuú /awaák, as adoodá' kuungá' Aako kuwa ilaiwawa/a'.