Luka 11:32 - Biblía Axweesantá Hhohho' ar Mungú 2004

³² Slám bál deelór sakwasleemaro múk Ninewi i sihhiit dinkwa nee múk de'emaaká', nee múk de'emaaká' kuri sakwasleemuut nee múk Ninewi as tlakweemaaín. Asma múk Ninewi ina hhu'u'ún qoomár axweesantá Mungú tidá' Yona aa alki/iít ngiwa axaasiyé', ala diirihe heé úr i deer oo Yona gu baá/.»

Ya/abtór hho' 1977

³² Slám bál deelór sakwasleemaro múk Ninawi i sihhiit dinkwa nee múk de'emaaká', nee múk de'emaaká' kway sakwasleemuut as tlakweemaaín nee múk Ninawi. Asma múk Ninawi ina hhu'u'ún axweesantá Mungú tidá' Yona aa alki/iít ngiwa axaás, ala diirihe heé úr i deer oo Yona gu baá/.”

Luka 11:32 Iomraidhean Croise

YONA 3:4

Yona iri baraá gixsadá' i dáh, iri baraadá' wa hi'iimiít looa gar wa dát, iri tseeamín iwa kaahi, «Gixsár Ninewi ka qwaarees alaá deelo mibeeri tsiyáhh bira waaráhh.»

YONA 3:5

Múk Ninewi Mungú kuri ya/án, kángw tawa gwaawin kuri alki/iít, tlabaá gwadidiingw kiri tsitiít, múk urén nee na/iiwo.

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

Matayo 12:39

Giri báy, «Qartá tlaakw nee ar tsaatuuse i layár leelehhít. Ala layár ta slay i káhh, aqo har layár aarusmo Yona kilós.

Matayo 12:41

Bál deelór sakwasleemaro múk Ninewi i sihhiit dinkwa nee múk de'emaaká'. Ala múk de'emaaká' ku sakwasleemuut as tlakweemaaín nee múk Ninewi. Asma múk Ninewi ina hhu'uu'ún, axweesantá Mungú tidá' Yona aa dahareemiís ngiwa axaás. Ala diirihe heé úr i deer oo Yona gu baá/.

Luka 11:31

Bál deelór sakwasleemaro waawuto'ór basa in sihhít dinkwa nee múk de'emaaká', nee inós gin sakwasleemút as tlakweemaaín. Asma inós amór saaw ngina wa tleér, as sagalooár Solomon ngiwa axaasár eer. Ala diirihe heé úr i deer oo Solomon gu baá/.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.