Luka 11:2 - Biblía Axweesantá Hhohho' ar Mungú 2004

² Yesu giri báy, «Qoomár bar firiiriindá', an oa', ‹Baabuúrén [oo gawaá doorí dirií'], umuuwók i xirfuuti, waawuti'iimarók ni xeer, [Adór kuúng ta sla' i tleehharut baraá yaamuwo, adór gawaá dooriiwo ira tleehharút.]

Ya/abtór hho' 1977

² Yesu giri báy, “Qoomár bar firiiriindá', an oa', ‘Baabuúrén [oo baraá doorí dirií'], umuuwók i xirfuuti, waawuti'iimarók ni xeer, [Adór kuú ta sla' i tleehharut baraá yaamuuwo, adór baraá dooriiwo ira tleehharút.]

Luka 11:2 Iomraidhean Croise

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

2 QOM'I 20:6

Iri firín ar afór ur iwa kaahi, «Aá AAKOÓ MUNGÚ, Munguú baabi'iirén, kuúng a Munguú gawaá doori, xoordu sleémeero in sawaawuti'iín, kuúng a /uuruú koón nee aleesleemu, slamí heé kuúng u tlaampa'aás i kaahh.

WARA'AMI 103:20

AAKOÓ MUNGÚ diidi'iimisaak kuungá' malaykeerós, kuungásingá' /uuruú koomá' nee axweesantós ngi boo/eemisá', axweesantá AAKOÓ MUNGÚ iiárií qaasaak.

WARA'AMI 108:5

Mungú, kuúng xirfuút gawaá dooriwo! Xirfuuwók yaamu sleémeero ngi tuuntuuki!

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

WARA'AMI 57:11

Mungú, kuúng xirfuút gawaá dooriwo, nee daanduú yaamu sleémeero xirfuuwók i geehhouy.

DAHARUSMO 5:2

Afkók harmagahheek axweesanoó daktu'uumaro, tam ma gaanslutaar gaa ooaro dír geeraá Munguhe. Asma inós i gawaá doori nee kuúng a baraá yaamu, ala axweesantók masók kan ureeká dír Munguúwoge.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

ESEKIELI 36:23

Umuueé' kudá' úr kuungá' taa slasla/areesé' baraá tla/ángw xoorduudá' wa alé, un adoorós tidár aáng i ki/ís baraá tla/angw'ine. Qoomaarí an qoomaadá' xoorduká' ngiwa tsaahhiya' adór aníng tar AAKOÓ MUNGÚ. Anuú Aakoó MUNGÚ tí aga oó'. Aníng kuungá' nu gadiyuús as hhohhooari ngiwa laqaam geeraá xoorduuwo.

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 7:18

Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 22:23

Awu laqaá gwaanda oo diqiya' tlét, laqaá oo diqiya' ququmát u aleesleér kuwa ilahhooár muunuú sla'aarír wa hanis. Ala kuká' mi al'axweesantá wa haniisaar.

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

Matayo 10:32

«Heé aníng iga lamabu'un dír geeraá muko, aníng inós u ya/aám dír geeraá Baabuúeé' kuduú gawaá dooriiwo.

Matayo 3:2

«Hhu'u'umé', asma waawuti'iimár Mungú naa naká/.»

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 11:1

Yesu iwa dirká wa firiirin, firooro iwa hhe'eés, kuri báy nee eeharusmoowós oo wák, «Aáko, atén ti intsaahhatis firooro, adoodá' Yohane eeharuuseerós ngira intsaahhatís.»

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

Rumi 8:15

Asma kuungá' qeeruú lawaali'iima ugwa sleeri'iiká, ala qeeruú taa sleeré', an kudá' kuungá' tawa na/aá Mungú. Gawaá adoorihe atén an ateetimaán, «Baabá, Baabá.»

1 Korinto 1:3

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

2 korinto 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Galatia 1:4

Aakoorén Yesu Kristo adoodá' Mungú Baabá aa slaá' gana tleéhh, tiri haniís as daanduú tlakweemaarén, as atén tiwa ba/amisi baraá yaamuuká' tlaakwe awa de'emuuká'.

Efeso 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Filipi 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Filipi 4:20

Munguúrén nee Baabuúrén i xirfuuti ay alhhe'eesay wasle. Amin.

Kolosai 1:2

amorhúngií alé, kuungá' múk hhohhó' oo Mungú oo baraá yaamaá Kolosai, kudá' hhaeerén awa inkihhimuú koomá' baraá Kristowo. Mungú Baabá kuungá' nu tsuuqi nee nu waydií haniisi.

1 Tesalonike 1:1

Anuú Paulo nee Silwano nee Timoteo barwaárí ngina gooiimaán amór múk kríshaanáy oo baraá yaamaá Tesalonike, kudá' baraá Mungú Baabá i dirií' nee baraá Aako Yesu Kristo. Mungú kuungá' nu tsuuqi nee nu waydií haniisi.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.