Luka 10:7 - Biblía Axweesantá Hhohho' ar Mungú 2004

⁷ Ta baraá do'dá' wa hotá', muruú /aymár dooín ku /agá' nee ta wahaandá'. Asma heé gadiyuús i harín bu'utuwo. Ma maraá hatlá' i lolohiimara'.

Ya/abtór hho' 1977

⁷ Ta baraá do'dá' wa hotá', muruú /aymár dooín kwa /agá' nee kwa wahaandá'. Asma heé gadiyuús bu'utuuwós i harín. Ma lolohiimara' maraá hatlá' i ale.

Luka 10:7 Iomraidhean Croise

FAARO 18:31

Kuungá' muruudá' tindi hanmiisi un /agá' umuúqo dír tay dir'a'a, kuungá' nee mukhunge, asma gaarí a bu'utuuhúng as tawa múk baraá heémár Mungú wa gadiyuús.

Marko 6:10

Giri báy, «Umuúqo diiro bara hardaté', dír doó wák wa hootaak ay dír deelorhúng i fak didae.

Luka 10:6

Heé wayda gu koóm bir deer, wayduuhúng gu áy. Bir kaahh, wayduuhúng ni amorhúng i kii/.

Luka 9:4

Doó taa i hardaté' na hootaak ay dír yaamuudá' ki geexeera'.

Tlehhema'aá ya/Abuuse 16:15

Inós baatisaro kawa hhe'eés nee múk do'ose, tiri harhheehhe'és iri ó', «Kuungá' bar aga aandé' aníng Aako ugwa haratlintií', qwalaasé', hooté' baraá dooeé' wa ale.» Tiri harakés.

Tlehhema'aá ya/Abuuse 16:34

Xuumusmoodá' Paulo nee Sila giri ar waátl amór do'ós i alé, giri muruú /aymár i tleéhh. Inós nee múk do'ós sleémeero tari qwalalaá/, asma Mungú kwaa haratlintií'.

Tlehhema'aá ya/Abuuse 16:40

Paulo nee Sila tindiwa ti'iít baraá doó tseegamooro, tari dáh baraá doó Lidia. Tiri doogiyé' nee hhae. Hhae kiri gurkwa/amís. Paulo nee Sila tari tláy.

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 18:8

Muruú /aymár i slay aqo in alqón nee oo kaahamuusér hatlá', tam handá' muruú /aymar'ín oo hatlá' ngu slaslaya'a dír hhaeeín awa hatlá' wa ale.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

2 Timoteo 2:6

Dooslusmoodá' gadiyeé gaa tleehh ar /uuru, inós gár kuwa hariím a bu'ungwduú gadiyeérós gun geerií /aay.