Luka 10:41 - Biblía Axweesantá Hhohho' ar Mungú 2004

⁴¹ Aako gari báy, «Márta, Márta, kiíng an daawiimít nee an amoqwaqadiín asma muruú yaariír.

Ya/abtór hho' 1977

⁴¹ Aako gari báy, “Márta, Márta, an daawiimít nee tawa amoqwaqwadiin asma muruú yaariír.

Luka 10:41 Iomraidhean Croise

DAHARUSMO 6:11

Axweesanoó yaariír a tawór huwisha, gár hee nguwa bui a milá?

Marko 4:19

ala tari daawimiit as muruú slafiingw oo baraakaá yaamu. Daqaari'iimár yaamu gina uurúx, nee ilatleerír muruú dimbadimbé oo baraaká'. Gawaá adoorihe axweesantadá' pa/ángw ir laqwal gwa sleeriiká.

Luka 10:38

Tawa hi'iiti, ina hardáh dír yaamuukaari. /Ameenirka umuuwós ta bay Marta, guri dír do'ós i dahi'ís.

Luka 10:40

Ala Marta ina daawiimít gadiyér yaariire. Iri dír Yésú ii daqeér, guri beér, «Aáko, adoorí ka hhoóe kuunge, hho'or'eé' gadiyeé sleémeero ngiwa aníngií meér. Ádbaweegáy, anií alee/is.»

Luka 12:22

Yesu eeharuuseerós gari báy, «Gawaá adoorihe, án a kah, ma daawimitaara' as slafingwhúng, tawa kata', ‹Ma /ayaán?› laqaá slaqoohunge, tawa kata', ‹Ma tsiitaán?›

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Luka 8:14

Kudá' paahh baraá laqaya', an slaqsoó mukdá' gaa axaas, baraá hotaaine kiri tliíq nee daawitame nee daqaari'iima nee qwal/amaayér slafíngw baraá yaamu, axweesantadá' mamuuwós gay hamaaresiká.

Yohana 11:1

Heeko wák i tiiq, umuuwós a Lasaro. Inós a heé gixsár Betania, gixsadá' Maria i hot, nee hho'oorós Marta.

Yohana 11:5

Yesu Marta nee hho'oorós nee Lasaro gina ló'wa slaá'.

Yohana 12:2

Yesu kuri deelór úr i tleéhh amoodá' wa ale. Marta guri sagadiyús, nee Lasaro a heé wák dír mukdá' aa dír muruú /aymár i iwiiti.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.