Luka 10:26 - Biblía Axweesantá Hhohho' ar Mungú 2004

²⁶ Yesu guri báy, «Gár taa gooín a milá baraá kitaábuú hara'ayaaro? Kawa soomús, mi kát?»

Ya/abtór hho' 1977

²⁶ Yesu guri báy, “Gár taa gooín a milá baraá kitaabuú hara'ayaro? Kawa soomús, mi kát?”

Luka 10:26 Iomraidhean Croise

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

Luka 10:25

Aluuwo intsaahhatusmooko hara'ayár Mose ina sihhiít, Yesu guri yaahaás ar iiara, iri oó', «Intsaahhatusámo, adór ni laaq a adoomá ar slafíngw alhhe'eesay wásl ngur aal?»

Luka 10:27

Intsaahhatusmooduú hara'ayár Mose iri oó', «Ar taa gooín a tí, ‹Aakoó Munguúwók slaeek ar muunaáwók sleémeero, nee ar qeeruuwók sleémeero, nee ar /uuruuwók sleémeero, nee ar fuquraangók sleémeero›, nee ‹Inslaawmoowók slaeek adoodá' kuúng tir kilók sla'.› »

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.