Luka 10:18 - Biblía Axweesantá Hhohho' ar Mungú 2004

¹⁸ Yesu giri báy, «Án Neetlaangw ugwa ár, i gawaá doorí wa /e/eetín adór mankari.

Ya/abtór hho' 1977

¹⁸ Giri báy, “Án Neetlaangw ugwa ár, i gawaá doorí wa /e/eetín adór mankari.

Luka 10:18 Iomraidhean Croise

ISAYA 14:12

«Kiíngadár aáng ar adór tsatse/ír haymú, adór tira /aytiís gawaá doorí wa alé? Kiíngadár xoordaá yaariir iga balaalit, adór tira yaamií daáhh?

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Yohana 16:11

Daanduú sakwasleemaro asma kudaádá' úr oo yaamu kwaa qaroó sakwasleemuút.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,

Geehhoeemaá 9:1

Malaykamoó kooán tarumbeéta gari ufaáhh. Aníng tsatsee/ír naa gawaá doorí wa /et ngiri ár, iri hú' gawaá daanduú yaamu. Tsatsee/irí gweermór bohongwdá' aa tsarere'eet gari sleér.