Luka 10:15 - Biblía Axweesantá Hhohho' ar Mungú 2004

¹⁵ Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá gi'i.»

Ya/abtór hho' 1977

¹⁵ Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá múk aa qaatl.”

Luka 10:15 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

ISAYA 5:14

Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

YEREMIA 51:53

Tam Babuloni i tsa/aanda gawaá doori, tam koo/irós ngi tleereesa ay gawa, tam adoorihe múk ga hhaamiis u tleés. Anuú AAKOÓ MUNGÚ tí ngina oó'.»

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 31:18

«Hhohhoaarír xa'anoowí nee uraywós xa'anoó kur alqoomeesi i kaahh baraá asalmoó Edeniro. Hám daxta, xa'anoowí a kuúng waawutmo Farao. Kuúng tu yaamií kwaahh baraá gi'i dinkwa nee xaai sleémeero awa Edeni. Kuúng tari qát dinkwa nee mukdá' Munguú xuaaká, nee tari haraagwá' nee kudá' taa tsuú/ ar paánga. Adoorí an adór kuúng tay diri', aá Faráo, kuúng nee mukók. Anuú Aakoó MUNGÚ tí aga oó'.»

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

ESEKIELI 32:20

«Múk Misri ku hhaamiis dinkwa nee mukdá' taa tsuú/ baraá slaqwaraaro. Paánga kaa amohhe'eés ar múk yaamaá Misri tsu/uta.

ESEKIELI 32:27

Mukwí kwa dinkwaárií fooliiká nee pihhuuseedár aáng, tidá' aa baraá gi'ií /et nee xooslar'ín ar slaqwaraaro, paangaduuín nga sager'ín i qaasiyé', nee gaambuín i gawaá slaqooín. Pihhuuseerí qoomár iwa slaf muu nguna daandeemo feehhamiisiyé'.

OBADIA 1:4

Tam aga gáwtí tsa/aandi adór gwareesi, tam do'ók ugwa tlehhi baraá tla/ángw tsatse/, AAKOÓ MUNGÚ i kaahi, «I /arara'aás gáwtá wá ale ay yaamu.»

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Matayo 4:13

Iri gixsár Nasaretír wa lóh iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', baraá yaamaá Sebuluni nee Naftali.

Luka 13:28

Qoomár Abrahamu nee Isaka nee Yakobo nee aaruuse sleémeero bira aandé' baraá waawuti'iimár Mungú i alé, nee kuungá' tunduri tsee/áy kwaahh, qoomaadae kuungá' tari /aa/amiindá', tari /atlaá /agá'.

Luka 16:23

Iwa slahhahhai didár múk aa qaátl wa ale, ina gáwtí qaytsiít, Abrahamu gway amorqá' saáw i ár, Lasaro i geeraawós i dirii'.

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.