Luka 1:75 - Biblía Axweesantá Hhohho' ar Mungú 2004

⁷⁵ nee ar hhohhoaari nee ar hotaá ganaa'á' deelór slafingwrén sleémeerowo.

Ya/abtór hho' 1977

⁷⁵ tawa da'ayuumitaanaaká dirose deelór slafingwrén sleémeerowo.

Luka 1:75 Iomraidhean Croise

ISAYA 43:21

Mukdá' naa tleéhh as aníng as xirfuueé' nguwa alki/itiya'.› »

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Matayo 1:21

Inós na/oó garma gu xwayluúr, nee umuuwós kway beer Yesu, asma inós mukós gu ba/amis baraá tlakweemaaine.»

Luka 1:74

nee tiwa gweeri baraá dabaá wakuuseerene, nee kuwa sagadiyuusaan ar dae wasle,

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Efeso 4:24

Munér /aben slawaak, ar taa tleéhh ar tlehhemuú Mungú, tidá' ti laqaqaam ar slafíngw ganaá' nee oo hhoohhoó', slafingwdá' looeemaá wa hariím.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Tesalonike 4:7

Asma Mungú atén taa ateetiiká as slafíngw tsaatu'uuma kuwa ar hootaan, ala tina ateét as slafíngw hhohhó' kuwa ar hootaan.

2 Tesalonike 2:13

Hháe, kuungá' Aako nu slaa', nee atén gár tiwa hariím a Mungú un sluufmisaán umuúqo daqto as kuungá'. Asma Mungú kuungá' nuna tsawaár iimír iimu/uungo as ba/ama kawa sleera' ar loohír Qeeruú hhoohhoó' oo Mungú, kudá' kuungá' nu hhoohhooeemiís, nee ar loohír looeema kiwa haratlintia'.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.