Luka 1:71 - Biblía Axweesantá Hhohho' ar Mungú 2004

⁷¹ tiwa ba/amisi dír wakuuseerene nee baraá dabaá kudá' sleémeero atén ti ahhiita'a.

Ya/abtór hho' 1977

⁷¹ tiwa ba/amisi dír wakuuseerene nee gawaá dabaá kudá' sleémeero atén ti ahhiitá'.

Luka 1:71 Iomraidhean Croise

2 WAAWITÁ 17:39

ala aqo har aníng AAKOÓ MUNGÚ, Munguúhúng kilós in sluufmisá', daqaní aníng kuungá' nu tuú/ baraá dabaá wakuuserhunge.»

WARA'AMI 106:10

Gina ba/amís gawaá dabaá mukduú wakuusér wa ale, giri hingeés dír /uuruú wakusmooine.

WARA'AMI 106:47

Ti ba/amis, AAKOÓ MUNGÚ, Munguúrén, ti dinkwárí ki/is baraá múk xoordaá hatlae. Daqaní kuúng un sluufisaán as umuuwók kudá' hhoohhoó', atén tay xirfuutaán as xirfuuwók.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

ESEKIELI 28:26

Inooín tari baraaká' wa hoot ar saxareema, maray'ín ngiri tleehhiyá' nee xaa'aá sabiíbu ngiri dahaasiyá'. Inooín tari hoot ar saxareema, asma xoorduudá' inooín ngi slahh'eemiisá' aníng i sakwasleemuút. Daqaní inooín ngiri tsaahhiyá' adór aníng tar AAKOÓ MUNGÚ, Munguúín.»

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

ESEKIELI 34:28

Inooín ki baloó slakaatiiká nee xoorór hatlá', laqaá tawa /aymár makaá sla/a. Inooín in hootiyá' ar saxareemo, nee heé gi baloó dae tsaát i kaahh.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Luka 1:74

nee tiwa gweeri baraá dabaá wakuuseerene, nee kuwa sagadiyuusaan ar dae wasle,

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.