Luka 1:66 - Biblía Axweesantá Hhohho' ar Mungú 2004

⁶⁶ Muu sleémeero oo kaangwí gwa axaas, kuri baraá muner'ín i qaás, ta kaahi, «Na/aywí aluuwo a heé adoomá?» Asma /uuruú Aako i baraawós.

Ya/abtór hho' 1977

⁶⁶ Muu sleémeero oo kaangwí gwa axaas, kuri baraá muner'ín i qaás, ta kaahi, “Na/aywí aluuwo a heé adoomá?” Asma /uuruú Aako i baraawós.

Luka 1:66 Iomraidhean Croise

IIMU/UUNGW 37:11

Hhaeewós gur'e giri ohiín, ala baabuúwós muruuwí sleémeero guri baraá muunaáwós i qaás, as nguwa aldakwi.

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 80:17

Mukók kudá' taa tsawát de'eemeek, xoororók tidá' taa amohhe'eemís as kuúng, /uurií haniseek.

WARA'AMI 89:21

Dakw'eé' oo /uuruú koóm a dinkwa nee inós daqisleém, inós /uuru gu sláy dir'eé' wa ale.

Luka 1:80

Na/aydá' iri uráy, /uuruuwós iri doogín oo qeeru. Iri baraá darmuú wa hoót ay baalaadá' iwa amór múk Israelírí ti'iít.

Luka 2:19

Ala Maria tí sleémeero gari alhoorés baraá muunaáwose.

Luka 2:40

Nee na/aydá' iri uráy, /uuru gway tleéhh, fuquraango i haats, nee i tsuuqaá Munguú kón.

Luka 2:51

Tari al aweér ay Nasareti. Inós iri kumiít xwayliteérós ngiwa iialooeemiisi. Aayírós tí sleémeero gari alhoorén baraá muunaáwose.

Luka 9:44

«Axweesantí ooha hhe'eesaak baraá iaahunge, ‹Garmoó Hee ku gawaá dabaá múkwí qaas.› »

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Kolosai 1:5

Mungú un sluufmiisaán as haraxu'utidá' ta koonda', ar taa amohhe'eés gawaá doorí wa ale as kuungá'. Kángw haraxu'utirí una axasé' qoomár Ya/abtór hho' ar ló' niwa amorhúng i hardát.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.