Luka 1:58 - Biblía Axweesantá Hhohho' ar Mungú 2004

⁵⁸ Inslaawaywós nee mar'eefoowós kari axaás adór Aako ngira ló'wa gurtláy, sleémeero nee inose tari alqwalalaá/.

Ya/abtór hho' 1977

⁵⁸ Inslaawaywós nee mar'eefoowós kari axaás gídaabá Aako gaa ló'wa gurtláy, sleémeero tari qwalalaá/ nee inós.

Luka 1:58 Iomraidhean Croise

IIMU/UUNGW 19:19

Ga/aaweek, lawaalmoowók ya/aám gaa sláy dír ilaawoge, kuúng gurtleemuuwók ngwa dók baraá tisíng naa aníng i tléhh ar slafingw'eé' kuwa ba/amís. Aníng guwoó gawaá tlooma u aslawká, as mitiwa sláy nee tidá' tlaakw, án niri gwaá'.

IIMU/UUNGW 21:6

Sara iri ó', «Mungú aníng ina qwal/atís, nee umuúqo heé adoorí ga axaasi nee aníng an al qwalaala/aán.

WARA'AMI 113:9

/Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!

AXWEESANOÓ SAGALOOA 23:25

Baabuúwók nee ayooroge qwal/atisek. Aayoodá' ugwa xwayluur i qwala/.

Luka 1:14

Kuúng tay qwalá/ tay bará/, nee múk yaariír xwaylarós gay saqwalalaa/.

Luka 1:25

«Adoorí an tidá' Aako naa aníngií tleéhh qoomár iwa gurií baá/, nee mureekesay'eé' kudá' nira hotaatiím tla/ángw muk'eene gwa hingeés.»

Luka 1:57

Deelór xwaylár Elisabeti iwa xeér, na/oó garma gway xwayluúr.

Luka 14:12

Yesu heedaádá' gwa dír do'ós i dahi'is sleeme guri báy, «Muruú /aymaarók bura tléhh oo tlaatla/aangw, laqaá oo tsiindo, mulqeerók ma ateetaar, laqaá hhaeewók, laqaá mar'eefoowók, laqaá inslaawaywók oo daqaare, as inooín baalár hatlae muwa dahi'isiyé' as tuwa bui.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.