Luka 1:48 - Biblía Axweesantá Hhohho' ar Mungú 2004

⁴⁸ asma lawaalo'oorós ar liitlaakw gaa gurtláy. Ga/aaweek, iimír hamihe qari sleémeero án i beer tidá' tsuuqa gaa sleer,

Ya/abtór hho' 1977

⁴⁸ asma lawaalo'oorós ar liitlaakw gaa gurtláy. Ga/aaweek, iimír hamihe qari sleémeero án i beer tidá' tsuuqa gaa sleer,

Luka 1:48 Iomraidhean Croise

IIMU/UUNGW 30:13

Lea iri ó', «Aníng a qwalaalaá/, asma /ameena aníng i beer, qwal/amaaye.» Na/aydá' guri beér Asheri.

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 136:23

Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

WARA'AMI 138:6

AAKOÓ MUNGÚ tam i gáwtí dirii'i, kudá' ti niinawemiís gu ga/áy, ala kudá' daara/aám inós gu qaro xuu' amór saáw wa ale.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

MALAKI 3:12

Múk xoordu sleémeero kuungá' nuri tsaahh adór tundura tsuúq nee Aako, asma yaamuuhúng ki hhoohhoo' ló'wa alé. Anuú AAKOÓ MUNGÚ Aleesleemusmo tí ngina oó'.»

Luka 1:28

Malaykamo iri baraá do'ós i dáh iri oó', «Laawaay, kír tsuuqa iga sleer. Aako nee kiíng a dinkwa.»

Luka 1:42

Iri afór qwal/amaayér ar tsé', iri ó', «Kiíng taa tsuúq baraá /ameenaaro, nee na/oó ta xwayluúr kwaa tsuúq sleeme.

Luka 1:45

Amohhoouso'o a tidá' aa haratlinti', asma tidá' Aako ngaa báy i bó/.»

Luka 1:49

asma Kudá' /Uuruú koóm án iga muruú urén i tleéhh. Nee umuuwós ku Hhoohhoó'.

Luka 11:27

Qoomár Yesu iwa axweesi, /ameenirka wák baraá dinkwadae ina tsé', iri ó', «Heé amohhoó' a aayoodá' kuúng ugwa laqwal nee ugwa du'umis.»

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.