Luka 1:32 - Biblía Axweesantá Hhohho' ar Mungú 2004

³² Kwí uraay gu sláy, ku bay Garmoó Kuduú Gawa. Nee Aakoó Mungú gu waawuti'iimár Daudi i haniis, gídaabá waawuti'iimár baabuúwós.

Ya/abtór hho' 1977

³² Kwí uraay gu sláy, ku bay Garmoó Kuduú Gawa. Nee Aakoó Mungú gu waawuti'iimár Daudi i haniis, gídaabá waawuti'iimár baabuúwós.

Luka 1:32 Iomraidhean Croise

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 132:12

Daaqaywók barnaxés alqador'eé' nee axweesante'eé', tidá' naa intsaahhatís ngaa iialooeesiyé', daqaní daaqay'ín sleeme i iwiit gawaá kitaangók oo waawuti'iima ay alhhe'eesay wasle.»

ISAYA 16:5

Baraá doó Daudiwo heé sla'aari warqawaaká iri waawuti'ín, muu guri geerahaar ar inkihhimu. Inós kwasleemadu gin tleehh ar loohír ganaa', ku ló'wa inslaáhh gana'amu nguwa tleehhi.

YEREMIA 17:25

daqaní waawitaádá' waawuti'iima gaa oh alaá waawutmo Daudiwo, nee geeraharuusér hatlae, dinkwa nee múk Yuda, nee yaamuloouusér Yerusalemu, i dahiyá' ar afkú gixsarí, qoomár bar farsuuín ngwa i tsa/ané', nee gaardaá faras. Gixsarí kari hotaatín ay alhhe'eesay wasle.

YEREMIA 22:2

‹Kuúng waawutmoó Yuda kuúngudá' aga iwit gawaá kitángw waawuti'iimaár Daudi, dinkwa nee sagadiyuuserók nee mukók kwí daraahá' ar afeerí, axweesante'eé' iiárií qaasaak anuú AAKOÓ MUNGÚ.›

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Matayo 12:42

Bál deelór sakwasleemaro waawuto'ór basa i sihhít dinkwa nee múk de'emaaká', nee inós gin sakwasleemút as tlakweemaaín. Asma inós amór saaw ngina wa tleér, as sagalooár Solomon ngiwa axaasár eer. Ala diirihe heé úr i deer oo Solomon gu baá/.»

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Marko 14:61

Ala inós aqo ina xasliít, aa ilawatsiiká. Kaahamusmoó úr oo Mungú guri malé yaahaás, «Kuúng a Kristówo, Garmoó Munguú Xiríf?»

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 1:76

Nee ná/aay, kuúng sleeme tu bay aarusmoó Kudá' Gáwtí dirií', asma geeraá Aako in hát, as luhuuwós kiwa amohhe'es,

Luka 3:16

Yohane giri mu/aywaáts sleémeero giri báy, «A ló', án gár nir baatimiis a ma'aay, ala heé /uuruuwo aní baá/ ni hi'iit. Án a hariimaaká sleeme tam him'ér ya/ataawós ngiwa gweer. Inós nun baatimiis ar Qeeruú hhoohhoó' oo Mungú nee asla.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Yohana 12:34

Boo/aay iri oó', «Atén gár naa axasaán baraá hara'ayaaro Kristo in slafaafín ay alhhe'eesay wasle. Nee ala kuúng mas kat, Garmoó Hee gár kuwa hariím a gáwtí tleesa? Garmaawí oo Hee a heemá?»

Yohana 6:69

Atén aga haratlintiaán, slám aga xuaán adór kuúng tar Kudá' hhoohhoó' oo Mungú.»

Tlehhema'aá ya/Abuuse 16:17

Paulo guri eehát, nee atene, i aluurén wa tseeamiín i kat, «Mukwí a sagadiyuusér Munguú Gáwtí dirií'. Inooín kángw loohír ba/ama kun alki/iit.»

Tlehhema'aá ya/Abuuse 2:30

Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 7:48

«Ala Kudá' gáwtí dirií' i hootiiká baraá maraá taa tleéhh ar dabaá muu. Adoorí aarusmo gaa qaroó oó', iwa kaahi,

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.