Luka 1:25 - Biblía Axweesantá Hhohho' ar Mungú 2004

²⁵ «Adoorí an tidá' Aako naa aníngií tleéhh qoomár iwa gurií baá/, nee mureekesay'eé' kudá' nira hotaatiím tla/ángw muk'eene gwa hingeés.»

Ya/abtór hho' 1977

²⁵ “Adoorí Aako ngina án i tleéhh baraá deeloodá' sleémeero iwa ga/ay, asma murer'eé' ngiwa hingeesi dír muko.”

Luka 1:25 Iomraidhean Croise

IIMU/UUNGW 25:21

Rebeka a kaampeeri, gawaá adoorihe Isaka AAKOÓ MUNGÚ guna firiirín. AAKOÓ MUNGÚ firoorós gari ya/án, Rebeka iri tsít.

2 SAMUELI 6:23

Naagáy Mikali dasír Saulo na/aay gwa sleeriiká garwa gwá'.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 4:1

Qoomaadae /ameenár faanqw hhawaatuú wák gun ót tawa kaahi, «Gám atén muruú /aymaarén u /ayaán nee ti kiloorén tsiitimiisaán, ala atén ti duxut mureerén tí hingeeseek.»

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Luka 1:24

Deeloodá' iwa waaráhh, hareerós Elisabeti iri tsít, iri dó'wá iwiiwít slahheeraá kooane, i kat,

Ebrania 11:11

Tam Sara sleeme i haratlintaaór koón. Gawaá adoorihe inós /uuru guri sleér, iri tsít, inós tam aa diindi. Asma inós al'axweesantadá' Mungú aa dirósií oó' gana haratlintí', adór ngir boo/eés.

HAR'OHUUSE 11:37

Iri malé ó', «Baabá, gár wake aníng kuúng u firiím, slahheeraá tsár haniisang nee mulqer'eé' tawa gawaá tlom'aá kawaan, as gwa'arar'eé' ar duwe kawa satsuunqumiisaan, asma slamí taa duuxiiká.»

1 SAMUELI 1:6

Ala hareerír tsár Hana gan tlukaakiín umuú siiwaro, adoorí Hana gari gurhaamírár gás, asma AAKOÓ MUNGÚ inós ngiwa xwaylár /iít.