Luka 1:15 - Biblía Axweesantá Hhohho' ar Mungú 2004

¹⁵ Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Ya/abtór hho' 1977

¹⁵ Asma uraay gu sláy dír Aakoowo. Difaái ga wahiiká laqaá umuúqo gár ooniitimisa. Inós ku hatsiis Qeeruú hhoohhooe iimír kunguwa laqwaali.

Luka 1:15 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 48:19

Baabuúwós iri sií', guri báy, «Garmaaeé', aníng a xuú', inós sleeme a xooro, nee sleeme ku úr. Ala hhiyaawós kwí niiná ku ak úr ta inose, nee xwaylarós in xoorór yaariir tleehhít.»

1 QOM'I 17:8

Umuú amór taa qo keeri aníng aqo dinkwa nee kuúng, nee wakuuseerók ana dír geeraawók wa hhaamiís. Aníng kuúng u iia tleereés adór múk hatlá' oo urén baraá daanduú yaamuwo.

1 QOM'I 29:12

Daqaari'iima nee ilaiwa/ame amór i dahh a amoorók, kuúng umuú gaaro an sawaawuti'iín, aleesleemu nee /uuru i gawaá dabaawók, kuúng aleesleemu u koón oo umuú heewo kuwa ures nee kuwa /uurií dok.

WARA'AMI 22:9

Ala kuúng, AAKOÓ MUNGÚ, a kudá' aníng iga dux baraá guruú aayír'eé' wa ale, nee iri de'eén qoomár aníng tawa na/oó du'uúm.

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

YEREMIA 35:6

Ala inooín aníng iri bayé', «Aasla'áy, atén difaái a wahaanaaká, asma Yonadabu garmoó Rekabu, baabuúrén, atén tina adoorír hara'ayín, iwa kaahi, ‹Difaái ma wahaara'. Kuungá' ma wahaara' laqaá tam na/iihúng ay kureeri sleém.

TLAHHOÓ LAÁWI 10:9

«Kuúng nee daaqaywók bar dartá' baraá heémár Mungú, difaái laqaá umuúqo gár oonitimisa ló' ma wahaara', bar adooriheeká a qatlá'. Gaarí an hara'ayár hotaatiim xwaylarhúng sleémeero.

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

Luka 1:14

Kuúng tay qwalá/ tay bará/, nee múk yaariír xwaylarós gay saqwalalaa/.

Luka 7:28

Án a kah, baraá múk /ameena naa laqwali, heé úr oo Yohane gu baá/ i kaahh. Ala kudá' niiná baraá waawuti'iimár Munguhe kun úr ta inose.»

Luka 7:33

Asma Yohánedá' Baatimaamiís niwa hardáh, i mikaátér /ayiiká, tam difaái ga wahahanká, kuungá' a kata', ‹Neetlaame gwaa eér.›

Yohana 5:35

Yohane a tsaa'asi tidá' tsaa'amiis nee ar gwa/aat. Nee kuungá' gwa/aateemaadá' ina slaé', kay sa qwalaala/é' ar har qoomár niina.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

YOSHUA 3:7

AAKOÓ MUNGÚ Yoshua guna báy, «Laarí u iimu/uúm xirfayeesaro dír geeraá xoorór Israeli sleémeeró wá ale, as kahhó' muu ngiwa xui adór aníng tar dinkwa nee kuúng, ar adoodá' aníng nee Mose tara dinku'uusaán.

YOSHUA 4:14

Baalaadae AAKOÓ MUNGÚ Yoshua guri xirfayeés dír xoorór Israeli sleémeerowo, inooín Yoshua nguri ilaiwawa/iyé' adoodá' Mose ngura ilaiwawa/iyé' baraá slafiingós sleémeero.