Kolosai 4:6 - Biblía Axweesantá Hhohho' ar Mungú 2004

⁶ Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

Ya/abtór hho' 1977

⁶ Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

Kolosai 4:6 Iomraidhean Croise

1 QOM'I 16:24

Xirfuuwós alki/itaak dír xoorduwo, nee tlehh'mi'iiwós kudaá waa/oo/amo dír muu sleémeero.

WARA'AMI 105:2

I daa'aak, xirfuú Mungú daa'aak. Alki/iitaak waa/oo/amoodá' sleémeero aa tleéhh!

WARA'AMI 119:13

Muruudá' sleémeero kuúng naa kát, aníng u malé oó' ar afór ur.

WARA'AMI 119:46

Axweesantók a murér wa ara'araaká, tam dír geeraá waawitahe an alki/iít.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 66:16

Qwalaasé', axaasé', kuungaásingá' Munguú ilaiwawa/á', aníng ngi alki/iít tidá' naa aníng i tleéhh.

AXWEESANOÓ SAGALOOA 10:21

Axweesanoó heé ganaa' múk yaariír gu /iis, ala daktana in qátl as tsaahha wasle.

AXWEESANOÓ SAGALOOA 15:4

Axweesanoó hhó' a adór xa'aanoó slafiingw, Ala afaatli/a i múk hhititiín.

AXWEESANOÓ SAGALOOA 15:7

Afér múk sagelooén xu'uti gan alki/ít, Inslawoó daktana adoorí ga i diri'iiká.

DAHARUSMO 10:12

Axweesantá heé sagaloó' inósuú kilá' gun /ís, ala axweesantá daktani slafiingósuú kilá' gun qwaarés.

ESEKIELI 43:24

ngi hubá' dír geeraaeé', kaahamuusér Mungú ngi slik ar diwi nee kiwa haniisi as tawa ilahhooár da/a ar AAKOÓ MUNGÚ.

TLAHHOÓ LAÁWI 2:13

Ilahhooarók sleémeero ar bu'uungw ka díwtí qamiín, diwi ma baloó mawaar kawa qamiin baraá ilahhooarók ar bu'uungo, asma diwi an layár alqadór Mungú aa tleéhh nee kuungá'.

Matayo 5:13

«Kuungá' a diwtá yaamu. Ala diwi bira hhiturút, gár ki qaasi a milá as iwa malé maamahh? I sangw gaa bu'uká, aqo kan kwaahh tsee/ií alé, kari adarah nee muu.

Marko 9:50

«Diwi ka hhoo'. Ala barnaxes maamahhoó diwi aa faák, gár ki qaasi a milá as iwa malé maamahh. «Kuungá' baraá munerhunge adór diwi tleehhité' nee wayda ar hootaak.»

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

DABE 11:19

Na/iihúng /aymi'iikae intsaahhatamisaak qoomár bar marií wa iwiwitá', bar hi'iimitá', nee qoomár bar qatuú eerá', nee qoomár qatuuwo bar tlatleerá'.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.