Kolosai 4:17 - Biblía Axweesantá Hhohho' ar Mungú 2004

¹⁷ Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

Ya/abtór hho' 1977

¹⁷ Arkipo ku beera', “Gadiyeérók tidá' tinda haniís baraá Aakoowo ga/aaweek, as kawa boo/es.”

Kolosai 4:17 Iomraidhean Croise

2 QOM'I 29:11

Daaqay'eé', kuungá' ilaiwa/ame koomaak. Asma AAKOÓ MUNGÚ kuungá' naa tsawaár gadiyeérí kawa tlehha', kuungá' tawa sagadiyuuseerós, nee inós kuwa mooyángw tsuú' i da/a/aanda'.»

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

FAARO 18:5

Kuungá' kiloohúng gadiyér didá' hhoohhoo' an tlehhá' nee ar kitángw ilahhooa, as aníng buhhtaawo mawa daa/atúw amór xoorór Israeli.

Matayo 25:17

Tam kudaáduú talaántár tsár gaa slay, inós sleeme gari ar halaanuús, talaántár hatlá' tsár gari sláy.

Tlehhema'aá ya/Abuuse 1:17

Inós geeraawo nee atén a dinkwa, asma inós sleeme kuna tsawaár as gadiyeérí atén ta tleehhaan kawa al tleehhaan nee inós.»

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 1:6

Gawaá adoorihe aníng kuúng u inslawtís aleesleemuuduú Qeeru oo baraawók i dirií' dukeek i doogin, kudá' Mungú naa dirók i haniís qoomár aníng kuúng uwa dakw'eénií qaás.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

Filemoni 1:2

nee amór Afia, hho'oorén, nee amór Arkipo, askaarmoó Kristo adór aníng wa ale, nee amór múk kríshaanáy kudá' baraá do'ók wa burumburiimamiít.