Kolosai 4:10 - Biblía Axweesantá Hhohho' ar Mungú 2004

¹⁰ Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

Ya/abtór hho' 1977

¹⁰ Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' iidíguú Marko ugwa qaroó sleeré' gídaabá birna hardáh ku ilaotá'.

Kolosai 4:10 Iomraidhean Croise

Tlehhema'aá ya/Abuuse 12:12

Nee qoomaadá' kaangwí nguwa aldakuuti baraá muunaáwós i ale, iri hardáh dír doó Maria, aayór Yohane, kudá' umuuwós oo tsár ta bay Marko, nee múk yaariír ta baraá do'dií dirii' ta firiirín.

Tlehhema'aá ya/Abuuse 12:25

Barnaba nee Saulo gadiyér'ín ngiwa hhe'eesiyé', niri Yerusalemúr wa ki/iyé', ti al koná' nee Yohanedá' ta bay Marko.

Tlehhema'aá ya/Abuuse 13:13

Aluuwo Paulo nee mukós tari tsa/án gawaá miringamo, tari tláy Pafór wa ale, tari hardáh ay Perge baraá yaamaá Pamfilia. Yohane giri geexáy, iri kií/ ay Yerusalemu.

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 19:29

Tlaahhidá' iri kumít baraá gixsa sleémeero. Boo/oó muu Gayo nee Aristarko kiri ohín. Inooín a múk Makedoniár daáhh, tina al koné' nee Paulo. Mukwí kurir tláy ay dír neeto.

Tlehhema'aá ya/Abuuse 20:4

Inós tina koné' nee Sopatro, garmoó Piro. Inós a heé yaamaá Berea, nee Aristarko nee Sekundo, inooín a múk gixsár Tesalonike, nee Gayo, heé gixsár Derbe, nee Timoteo nee múk tsár oo Asiár daáhh. Inooín a Tikiko nee Trofimo.

Tlehhema'aá ya/Abuuse 27:2

Ana tsa/amán baraá miringamooko ta bay Adiramito. Miringamoodá' amór i kay a baraá gixsadaá afaá tlawi awa yaamaá Asia. Tari tlawaán. Aristarko, heé gixsár Tesalonike ar baraá yaamaá Makedonia, nee atén ti koomaán.

Tlehhema'aá ya/Abuuse 4:36

Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.

Rumi 16:2

Inós ilaoohaak tawa Krishanto'ór adór kuungá'. Ilaoohaak ar adoodá' múk Mungú wa hariim. Inós umuúqo gár i sla'a dirhunge alee/iisaak. Asma inós múk yaariír gwa alee/iimaamís, tam aníng sleeme.

Rumi 16:7

Androniko nee Yunia intsihhiisaak. Inooín a múk Yahudi adór aníng wa ale, kudá' aáng taa tseék dinkwa nee aníng. Inooín baraá ya/abuuseero ki iia tleer. Nee slám inooín nina giiriné' Kristo haratlintaaooro ta aninge.

2 Timoteo 4:11

Luka kilós in diirí, an heé aa dir'eéní meet. Marko leelehhang, nee kuúng ni alhardatá', asma inós a alee/isusmoó hhoó' dir'eene.

Filemoni 1:23

Epafra kudá' taa tseék dinkwa nee aníng asma Kristo Yesu kuúng u intsihhiimiis.

Filemoni 1:24

Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

1 Petro 5:13

Múk kríshaanáy kudá' taa tsawaár adór kuungá' wa ale oo baraá yaamaá Babulonírí dirií' kuungá' nu intsahhiimiis. Nee garmaaeé', Marko, sleeme kuungá' nu intsihhiimiis.