Kolosai 3:9 - Biblía Axweesantá Hhohho' ar Mungú 2004

⁹ Kuungá' kiloohúng miti lamtí tlaaqara'. Asma kuungá' munerhúng tidá' ar aáng aga warqesé', dinkwa nee tlehhemi'iiwós kudá' tlakwe.

Ya/abtór hho' 1977

⁹ Kuungá' kiloohúng miti lamtí tlaaqara'. Asma kuungá' munerhúng tidá' ar aáng aga warqesé', dinkwa nee tlehhemi'iiwós kudá' tlakwe.

Kolosai 3:9 Iomraidhean Croise

AXWEESANOÓ SAGALOOA 13:5

Heé hota ganaá' lama gan aahh. Ala heé tlaákw tlehhmi'iiwós a barawaslaay nee mureewaslaay.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEKARIA 8:16

Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Rumi 6:6

A xuaán adór muneerén tidár aáng kara kikií' dinkwa nee Kristo. Gaarí gár isa tleehharút as /uuruuduú tlakweema baraarén i dirií' masók ku hhitín, as atén mawa malé lawaalér tlakweema tleehhitaán.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Kolosai 3:8

Ala daxta kuungá' muruuwí sleémeero hingeesaak dirhunge, buhhta nee xarasleema, nee magoót nee daanda axweesani, nee /ooslisliingw.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.