Kolosai 3:2 - Biblía Axweesantá Hhohho' ar Mungú 2004

² Muruú gawaá doori na inslaslaawaak umuú siiwaro, ala a muruú baraakaá yaamuuwooká.

Ya/abtór hho' 1977

² Muruú gawaá doori na inslaslaawaak umuú siiwaro, ala a muruú baraaká' yaamuuwooká.

Kolosai 3:2 Iomraidhean Croise

1 QOM'I 22:19

Gimsé', daxta AAKOÓ MUNGÚ, Munguúhúng, leelehhaak ar inslawayhúng nee ar munerhúng sleémeero. Tlawsé', doó AAKOÓ MUNGÚ tleehhaak, as kahhó' sandakmoó alqado oo Mungú nee xosluudá' hhohho' kawa qaasi baraá do'oduú AAKOÓ MUNGÚ.»

1 QOM'I 29:3

Dinkwa nee tí sleémeero naa haniisi as do'owí hhoohhoó', aníng sahaábu u koóm nee muqslár peesaaro. As doó Munguúeé' nguwa slaa', muruuwí an kwe'eé' nu kilá', aníng un haniisi as doó Munguúeé'.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

WARA'AMI 91:14

Aníng inós u ba/amís asma iga ló'wa slaá', un xuúm asma umuueé' gwa xuú'.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

Matayo 16:23

Yesu iri warqáy amór Petro, guri báy «Quútl dír geeraaeene Neétlaangw! Kuúng a dukutsmo dir'eene. Asma inslawaywók kwisíng oo Munguheeká ala oo muu.»

Matayo 6:19

«Daqaari'iimarhúng ma baraá yaamií qamiimara', didár babi nee kútu ngiwa hhitina', nee didá' fisuuse ngiwa hara dat gari fís.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Luka 16:11

Gawaá adoorihe, kuungá' bar inkihhimuú koonda'aaká baraá daqaari'iimarír baraá yaamuukae, daqaari'iima tidár ló' heé ngi dirhúng i saayiím a heemá?

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

Kolosai 3:1

Kuungá' tunda al waaslee/atís dinkwa nee Kristo. Gawaá adoorihe muruuduú gawaá doori na leelehhiitaak, amoodá' Kristo i dirii'i, aa iwiít dákw doó /iyáy oo Mungú.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.