Kolosai 3:16 - Biblía Axweesantá Hhohho' ar Mungú 2004

¹⁶ Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Ya/abtór hho' 1977

¹⁶ Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagaalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Kolosai 3:16 Iomraidhean Croise

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 QOM'I 25:7

Inooín dinkwa nee hhaeeín, kudá' taa intsaahhatís AAKOÓ MUNGÚ nguwa i daaiya', kudá' sleémeero ado ngi baalá', a muu tsiire tsár mibeeri dakaát nee dakaát.

NEHEMIA 12:46

Iimír qoomár waawutmo Daudi nee Asafuwo geeraharusmoó daauuse aqo in daadeer nee daa'ángw xirif nee oo Mungú sluufmiisuuwo.

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 119:54

Qoomár niwa baraá dahaayi'iimár i dirii', daa'angw'eé' a daanduú hara'ayarók.

WARA'AMI 138:1

Aníng kuúng u sluufiís ar muunaáeé' sleémeero, dír geeraá munguaá lamto un wara'amtá xirfuuwók i daá'.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 32:7

Kuúng an dír ni nahhaat, án kuúng in amohhe'eemís qoomár slahh'amuuwo, Án ba/amarók ngiri daá' ar qwala/, asma kuúng an baqmor'eé'.

WARA'AMI 71:23

Aníng a qwalalaá/ ló' wa ale bur i daá'. Muunaáeé' sleeme i qwalalaa/ asma aníng iga ba/amís.

AXWEESANOÓ SAGALOOA 14:8

Sagalooár heé daharuú koóm a hotaawós gin aldakuut, Ala heé daktani daktu'uumarós gun al/agiín.

AXWEESANOÓ SAGALOOA 18:1

Heé dír múk sla'aaká gár i slai a tós kilós, Bar ku gurbu'úngw hhó' í kah in slaaqw.

DAA'AANGW 1:1

Kaangwí a Daa'ángw úr oo sla'aari oo Solomon.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 30:29

Ala kuungá' múk Yerusalemu an da'á' ar qwala/, adoodá' muu i /imaamisi xweeraá deelór ure. Qwal/uú yaariír nuri áy adór múk daá' ar firiímbi, oo tsa/aa/ám amór tloomár doó AAKOÓ MUNGÚ, amór tlaa/ár Israeli.

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

Matayo 26:30

Tawa hhe'eés daa'ango, tari tsa/án gawaá tloomár xaaiikaari ta bay seituúni.

Luka 2:51

Tari al aweér ay Nasareti. Inós iri kumiít xwayliteérós ngiwa iialooeemiisi. Aayírós tí sleémeero gari alhoorén baraá muunaáwose.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Rumi 10:17

Gawaá adoorihe gár haratlintaaór huwahuuw, a Ya/abtoodá' taa axaás, nee Ya/abtoodá' baraá axweesantá Kristo gan dáhh.

Rumi 15:14

Hhaee'eé', aníng a xuú' adór kuungá' tar hatsá' hhooeemaawo. Nee slám kuungá' xu'uti sleémeero a koondá', nee a aleesleerá' kuungá' kiloohúng tiwa gurbu'uunda'.

1 Korinto 14:15

Adór ni laaq ala a adoomá? Aníng a firiím ar qeeru, ala an firiím ar fuquraangw sleeme. Aníng an daá' ar qeeru, ala an daá' ar fuquraangw sleeme.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

Efeso 1:17

Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

Efeso 5:17

Gawaá adoorihe ma daktana tleehhitaara', ala masók gar Aako i slai an xuá'.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

Kolosai 4:6

Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

1 Tesalonike 1:8

Asma axweesantá Mungú kaa dirhúng wa axaás a baraá yaamaá Makedonia nee Akaya kiloseeká, ala kángw haratlintaaorhúng dír Munguhe aa tsiyaayaaxaát umuúqo diiro. Gawaá adoorihe atén gár ta ooaan i káhh.

1 Tesalonike 4:18

Gawaá adoorihe kuungá' ti kiloohúng gurkwa/amise' ar /aymi'iiká'.

2 Tesalonike 3:15

Ala mu harafadiitara' tawa wakusmo, kuungá' naanaaqaak adór hhiyaahúng wa ale.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

Tito 3:6

oo yaariír, kudá' naa atén i ku'uús, ar loohír Yesu Kristo, Ba/amusmoorén.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

Yakobo 5:13

Hee baraahunge slahh'amu bunga sláy, inós Mungú ngu firin. Hee bir qwalalaa/, Mungú ngu diidi'iimisi.

1 Yohana 2:14

Kuungá' laqwalór ninakw, kaangwí nguna dirhúngií gooiím, asma Baabá ugwa xué'. Kuungá' ín baabá, kaangwí nguna dirhúngií gooiím, asma kudá' daadáw iimír iimu/uungo ugwa xué'. Kuungá' masoómba kaangwí nguna dirhúngií gooiím asma a /uuruú koondá', nee axweesantá Mungú i baraahúng wa hót, nee kuungá' kudá' tlaákw ugwa ar ba/é'.

1 Yohana 2:24

Tidá' kuungá' taa qaroó axasé' iimír iimu/uungo masók i baraahúng wa hót. Tidá' taa qaroó axasé', bir baraahúng wa hót, kuungá' daqaní sleeme a baraá Garmá wa hotá' nee baraá Baabá.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.

2 Yohana 1:2

Asma looeemaaká' baraatén wa hootá', slám alhhe'eesay'ín i kaahh, aqo nee atén an alhotaatimaán.

Geehhoeemaá 14:3

Inooín daa'ángw /abén kuna daá' dír geeraá kitangwduú aleesleemuú wa ale, nee dír geeraá muruudá' slaáf oo tsiyáhh, nee dír geeraá bariiseedá'. Ala heé daa'angwdá' intsaahharo gwa aleeslay i kaahh, aqo har mukduú kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.