Kolosai 3:15 - Biblía Axweesantá Hhohho' ar Mungú 2004

¹⁵ Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Ya/abtór hho' 1977

¹⁵ Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Kolosai 3:15 Iomraidhean Croise

WARA'AMI 100:4

Afkú do'ose dahé' ar sluufaay, xirfayeemisaak baraá gar/oó do'ose! Inós sluufmisaak, umuuwós diidi'iimisaak!

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

WARA'AMI 29:11

AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 27:5

Ala bar inooín xuumar'eé' ngi slaiyá', ni wayduú aye' dir'eé', eeít, ni wayduú aye' dir'eé'.»

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

YONA 2:9

Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Rumi 1:21

Inooín tam Mungú ngwa tsaahhi'i, ala inooín ngwa xirfayeesi'iiká tawa Mungú, nee slám ngwa sluufmiisi'iiká. Ala inslaway'ín iri daktu'uút, nee muner'ín tidá' sagalooár koomaaká iri ak gíp.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

1 Korinto 10:17

Atén a slaqwtá wák, tam atén ti yaariire, asma mukatmo a wak, nee atén sleémeero tlaqtá mukatmoodá' wák a ilaohiimaán.

1 Korinto 7:15

Ala hhawaatuuduú krishaanmowooká barnaxes hareerós ga talaákár i haniisár wa slaa', ngi haniisi. Laqaá hareedár krishaanto'oorooká barnaxes hhawaatuuwós gu geexeemuú wa slá', ngu geexeer. Asma hhawaatuuduú krishaanmo, laqaá hareedár krishaanto'o, inooín kaa tseegiiká nee hara'aya baraá muruuwihe. Mungú atén tina ateét as tawa hootaan ar wayda.

2 korinto 4:15

Asma muruuwí sleémeero in tleehharuumiit as kuungá', as tsuuqaá Mungú iwa ak hardihiya' dír múk yaariír i alé. Nee gawaá adoorihe múk yaariír Mungú guri sluufmiis. Nee Mungú iri xirfuut.

2 korinto 9:11

Mungú kuungá' nu daqaari'iitis, as kuungá' ar yaariir kawa aleesleera' haniisaro ar baraá umuúqo loohiro. Gawaá adoorihe múk yaariír Mungú guri sluufmiis as gadiyeérí taa tleehhaán.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Efeso 4:4

Slaqwa a wak, tam Qeeru a wak, adoodá' kuungá' tundura ateét nee Mungú, as harahhifór wák kawa sleera'.

Efeso 5:1

Kuungá' a na/aá Mungú, kudá' inós i slai. Gawaá adoorihe inós na eeharaak.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

1 Timoteo 2:1

Gár ni gawdeemiis ta muruú hatlá' sleémeerowo a tí, firo nee saaliingw nee aleefiro nee sluufaay, muruuwí sleémeero i tleehharuuti as muu sleémeero.

1 Timoteo 6:12

Slaqwaraadá' hho' ar haratlintaao ar slaqweek. Slafingwduú alhhe'eesay wásl ooheek, kudá' Mungú kuúng usa ateét. Asma tí kuúnguú kilá' aga lamabu'uún, qoomár lamabu'uungók oo hhó' kuwa ó' dír geeraá lamabu'uusér yaariir wa ale.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

Geehhoeemaá 7:12

tari káh, «Amin. Mungú an kudá' tsuuqaá koóm, nee xirif nee sagalooa nee sluufaay, nee ilaiwa/ame nee aleesleemu nee /uuru ay alhhe'eesay wasle. Amin.»