Kolosai 2:8 - Biblía Axweesantá Hhohho' ar Mungú 2004

⁸ Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

Ya/abtór hho' 1977

⁸ Ti harmagahhe', hee munduwa naáxw ar axweesanaywós oo tawo oo gídaabár koomaaká oo al/ayma. Asma axweesanaydá' amór naa daáhh a amór unaá muu, a amór Kristoowooká.

Kolosai 2:8 Iomraidhean Croise

DAA'AANGW 2:15

Intsaweesíng uhimare', Intsaweesíng ninakw uhimaré', tidá' sabiíbuurén gu hhititiim, asma sabiíbuurén i /ayumiis.»

YEREMIA 29:8

Anuú AAKOÓ MUNGÚ Aleesleemusmo, Munguú Israeli a káh, ‹Al/aymár aaruusedár lamuuse ma iiárií qamiimara', nee qwaslaareedá' tu/u/uum tam tlataaín kudá' mi ya/aamara'.

Matayo 10:17

Ti harmagahhe' dír muko, asma kuungá' tundu huuw baraá maraá kwasleema, nee baraá maray'ín awa saaliingw, tunduri muux.

Matayo 16:6

Yesu iri oó', «Qaytsité', ti harmagahhe' nee gadaádá' ta mikaátér sluuftimiisi ar múk Farisayo nee ar múk Sadukayo.»

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 17:32

Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

1 Korinto 10:12

Gawaá adoorihe heé ti kilós xuú' adór ira sihhiít, inós ti harmagaahhi miwa huú'.

1 Korinto 8:9

Ala amohhooarí ta koonda' ga/aawaak miwa dukuutsmo tleehhít dír mukdá' haratlintaao tununuu/a.

2 korinto 10:5

Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

Galatia 1:14

Aníng niri kumiít baraá diinír Yahudiro ta múk yaariír ba/a baraá qartadár tlahhay'eene. Aníng ilakaaharu una ló'wa tleéhh asma uunuudaá baabi'iirén.

Galatia 4:3

Tam atén sleeme qoomár tawa na/ii, atén a adór lawaale tawa baraá /uuruú aleesleemuudá' waawuti'ii'iím baraakaá yaamuwo.

Galatia 4:9

Ala hám daxta kuungá' Mungú ugwa xué', laqaá an oo', hám daxta kuungá' Mungú naa xuú'. Kuungá' adór tara ki/é' a adoomá baraá /uuruú muruudá' liitlakwén nee oo /uuruú koomaaká? Asma gár kuungá' ta sla'a' a lawaali'iimár muruudá'.

Galatia 5:15

Ala kuungá' miti a'aawara' tiwa kikihha' nee tiwa tlu'uunda', asma adoorí bara tlehhé', ti kiloohúng hhaamisá'.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

Efeso 4:20

Ala kuungá' kángw Kristowo tunda adoosír intsaahhatimisiiká.

Efeso 5:6

Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

Filipi 3:2

Ti harmagahhe' dír mukduú adór seeaawe, dír sagadiyuuseedár muruú tlákw inslaaslaw, mukdá' slaqo gi tlaquú wa slaá' ar al/utlo.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 2:20

Kuungá' aga alqatlé' dinkwa nee Kristo, tiri paratlé' nee aleesleemu sleémeero oo qeereemaá tlakw awa yaamuuká'. Asma milá mas ya/a/aandá' kuungá' tunduwa hara'ayiyin, adór múk yaamuuká', tawa kaahi,

Kolosai 2:22

Muruuwí sleémeero a muruú hhitiruút burku sagadiyuus. Hara'ayduudá' nee intsaahhatisadae amór muu ngi dahhiyá'.

Kolosai 2:23

Bir ga/eér kwaáo a adór múk sageeloén. Asma inooín malayke ngin firiiriná', nee ti kilooín niinaweemiisiyá' ar al/aymár tawo. Slám slaqooín ngin slahh'eemisiyá'. Ala tí sleémeero a gadiyér tawo, asma bira fák, aqo ilatleerír tawo ar kángw slaqo ngin boo/eemisiyá'.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.

2 Petro 3:17

Ala kuungá' sla'aaruuser'eé', kuungá' adoorí aga qaroó xué'. Gawaá adoorihe ti harmagahhe'. Ma ya/aamara' tunduwa uuruuxi baraá haratlintaaorhúng tidá' taa oti'i, nee tunduri qwaarees nee múk tlákw.

2 Yohana 1:8

Kuungá' ti harmagahhe', gadiyérhúng tidá' taa tlehhé' bu'utuuwós miwa qwaár, as kahhó' kuungá' bu'utuudá' hariím kuwa adá wa sleera'.