Kolosai 2:20 - Biblía Axweesantá Hhohho' ar Mungú 2004

²⁰ Kuungá' aga alqatlé' dinkwa nee Kristo, tiri paratlé' nee aleesleemu sleémeero oo qeereemaá tlakw awa yaamuuká'. Asma milá mas ya/a/aandá' kuungá' tunduwa hara'ayiyin, adór múk yaamuuká', tawa kaahi,

Ya/abtór hho' 1977

²⁰ Kuungá' aga alqatlé' dinkwa nee Kristo, tiri paratlé' nee aleesleemu sleémeero oo yaamuuká'. Ala asma milá mas ya/a/aandá' kuungá' tunduwa hara'ayiyin, adór múk oo slafíngw yaamuuká', gídaabá,

Kolosai 2:20 Iomraidhean Croise

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

2 korinto 10:3

Ar ló', atén a múk baraakaá yaamu, ala atén a slaqwanaaká adór slaqwarár múk baraaká' yaamu.

Galatia 4:3

Tam atén sleeme qoomár tawa na/ii, atén a adór lawaale tawa baraá /uuruú aleesleemuudá' waawuti'ii'iím baraakaá yaamuwo.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

Efeso 2:15

Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

Kolosai 2:14

nee dugunoó iinaarén guna fiíts, kudá' geera atén ti iinuús tlehhema'aá yaariire. Guri hingeés, guri kikií' gawaá msalaába.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Kolosai 2:21

«Ma taatahhaar, ma tsaqaar, ma kwatiitaar.»

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

Kolosai 3:3

Asma kuungá' aga qatlé' nee slafingwhúng kwaa luú/ dinkwa nee Kristo baraá Mungú.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.